Déixuvos la Tertulia de "La Brújula" d'Onda Cero del vienres, Outubre y 12, 2012, data na que'l programa se fizu dende la llïonesa ciudá de Çamora.
Recomiénduvos sobru tou, ente los minutos 0.07.32 y 0.17.07, la intervención de Lucía Mendez que, sigún paez, ye çamorana (Palacios de Sanabria, Zamora, 1960) y sobru tou la rimpuesta d'Antonio Casado, un gran periodista, çamoranu del Valle Vidriales (Ayoó de Vidriales, Zamora, 1944) cunas idegas nidias purque nun ye la primeira vuelta que diz que'l nun ye castiellán sinon llïonés.
Braeiramente nun pueu deixare de surprendeme pula memoria tan cortina que tien dalguna xenti, cumu esta çamorana qu'estudiara esautamente lu mesmu que you, ye dicire que Castiella la Vieya tinía ochu provincias, a sabere: Santander, Burgos, Logroño, Soria, Segovia, Ávila, Valladolid y Palencia y d'outru llau, Llión tinía tres provincias, a sabere: Llión, Çamora y Salamanca. ¿Cúmu ye pusible qu'esqueiciera tan prontu los sous estudios de bachiller?
Nestos casos siempres camientu que mueita xenti pasara pula Universidá peru, vistu lu vistu, la Universidá nun pasóu pur eillos!!!
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
1 comentario:
No, no, pero yo quiero que hables tú, Xana..
Publicar un comentario