Casa de Llión en Valencia: Estrella llee'l conxuru la queimada
Curuxones, curuxas, sapos y bruxas.
Demonnos, trasgos y diannos; espíritus de las nnevadas veigas.
Choyas, sacaberas, esculibiertos y meigas, embruxamientos de las curandeiras.
Podres tueros afuracaos, llar de guxanas y alimannas.
Llume de la Gueste, agueyos, nnegros fechizos, fedor de muertos, truenos y rellumes.
Ganníu de perru, nnuncia de la muerte, focicu del sátiru y pata de coneyu.
Pecadora llingua de mala muyer, casada cun home vieyu.
Avernu de Satán y Belcebú, relluz de los calabres ardientes, cuerpos mutilaos d'indecentes, ciscos d'infernales culos, ruxíu de la mar bravía.
Ventril inútil de muyer solteira, miagar de muxos en celu, mala gedeya de cabra mal parida.
Cun esti caciyu llevantaréi las llamas d'esti fueu qu'asemeya al del infiernu y fuxirán las bruxas a caballu las suas escobas, diendu a bañase na playa'l sable gordu.
¡Sentíi! Sentíi'l bramíu que dan las que nun son a deixare d'amburase nel aguardiente, quedandu asina purificadas.
En baxandu esti brebax pulos nuesos gannotes, quedaremos llibres de los males de la nuesa ánima y de tou embruxamientu.
¡Fuercias del aire, tierra, mar y fueu! fáiguvos esti brinde:
Si ye verdá que tenedes más poder que la humana xente, eiquí y agora, facéi que los espíritus los amigos que tán fueramanu, participen con nosoutros d'esta queimada.
Casa de León en Valencia: Queimada y Ramu Llïonés
