Cantar de La Lloba Parda

Tandu you na mía choza
Llabrandu la mía cayada
Las cabrinas altas diban
Y la lluna rebaixada.

Vide vinir siete llobas
Pur una escura cañada
Escurque andaban en suertes
Cuala entraba na mayada.

Tocóuye a una lloba vieya,
Patituerta, cana y parda
Que tinía los caneiros
Cumu puntas de navaya.

Siete vueltas dióu al redil
Y nun pudu apañar nada
De las siete pa las ochu
Sacóu la borrega branca.

Fiya de la ouveya Churra
Nneta de la Coronada
Guardábanla los mieus amos
Pal domingu de la Pascua.

¡Eiquí los mieus cachorros!
¡Eiquí, perra truxillana!
¡Eiquí perru, el de los fierros!
A correr la lloba parda.

Zurra'l mieu perru Mastín,
Aína tente, Guardiana,
Acude Llebreru eiquí
Y arimai bien las carrancas.

Si cobrades la borrega
Xantaréis lleiche y fougaza
Y si nun me la cobrades
Tendréisla cuna cayada.

Mieos perros tres la lloba
Cun gran furia l’acuciaban
Al subir un cotorricu
La lloba diba cansada.

“Tomái perros la borrega
Sana y bona cumu taba
Enxamás me vide you
N'oucasión tan aginada

Pur agio d'eisa fuyeca
Enteca y engarniada.”
“Nun queremos la borrega
De la tua bouca babosiada.

Queremos el tou pilleyu
Pal pastor una zamarra.
La cabeza pa un zurrón
Onde meter las cucharas.

El tou pelu p’aguyetas
Pa las trinchas de las bragas,
El xopo pa un abanicu
que ye cousa d'alegancia.

Y las tripas pa viguelas
Pa distraere las damas.

Al ouyire esta sentencia
Ya nun gutióu ni pallabra.