domingo, diciembre 11, 2011

Aulas d'indumentaria y ayalgas llariegas

Los collacios de l'Asociación d'Amigos de la Indumentaria Llariega del Reinu de Llión informan que'l sou Presidente, Javier Emperador, entamóu el pasáu mes de Noviembre unas Aulas d'Indumentaria Llariega nas que tolas presonas interesadas pueden acudire cul envís d'amiyorare los sous traxes y ayalgas llariegos y deprendere a vestilos y montalos.

Nel prósimu Xineiru entaman nuevos grupos y si te prestan las nuesas tradiciones y quieres aniciate nesti fascinante mundu puedes apuntate a las aulas d'indumentaria y ayalgas de Javier Emperador chamandu a los tlfns. 669 40 57 80 ó 987 28 35 60 (El Molín de Javier Emperador)

FRANCISCO JAVIER EMPERADOR MARCOS

Naz en Vegellina d'Orbigu, en Xineiru y 12, 1962, aú reside ata los 10 años en que se trasllada a vivir a Llión.

Dende bien mozu vencéyase al mundu'l folclore Llïonés formandu parte primeiru del grupu de Couros y Dancias del Ministeriu Cultura y postreiramente cofundador del Grupu de Dancias Reinu de Llión y rellacionau dende siempres a asociaciones de caráuter etnográficu: Parva y Sosiega, Orfeón Llïonés, Grupu de baille tradicional Tenada, ect.

Ye profesor de pianu y téunicu superior n'Arte Testil. Colleicionista d'indumentaria tradicional llïonesa, una parte la sua coleición tá nel Museyu Nacional d'Antropoloxía y nel Museyu Etnográficu Provincial de Llión y caltiene ente los sous propios fondos una completa colleición de traxes de tolas comarcas la provincia Llión.

Rializóu importantes esposiciones de caráuter etnográficu: Portu, Palencia, Madrí, Llisbona, Salamanca, Llión, etc., asina cumu programas divulgativos de folclore en radiu y televisión. Davezu rializara cursos pa universitarios, aulas de folclore, espublizaciones y artículos de prensa, grabaciones musicales, ect., siendu la cabeira d'eillas la rializada nel Palaciu Don Gutierre cul títulu: "El Trax Ceremonial del Órbigo y su entorno nel sieglu XIX: Colleición Javier Emperador".

No hay comentarios: