sábado, diciembre 10, 2011

Día Internacional los Dreichos Humanos

Guei, Avientu y 10 ye'l Día Internacional los Dreichos Humanos y la Xana nun puede deixare d'entrugase pur quéi diannos, los dirixentes del mundu, en vuelta de ponere un "Día Internacional de" nun facen un res pur cumplire esos oxetivos.

Finu de sintire n'arradiu que n'Hespanna deillas presonas perdieran el sou dreichu a l'asistencia sanitaria. Los númberos "ballan" sigun quien fale: Nel mes de Xunu, sigún l'Alministración (Ministeriu Sanidá) yeran ente 90.000 y 180.000 presonas peru sigún dalgunos espertos yeran alreol de 300.000 hespannoles (http://www.elpais.com/articulo/sociedad/Miles/personas/paraguas/sanitario/elpepisoc/20100628elpepisoc_3/Tes) y anque tou cierta qu'en breve daquien dirá que nun ye verdá, (tenemos el casu de Galicia van poucos días) va mueitu tiempu que la Xana deprendiera que cuandu'l riu ruxe... ye pur dalgu y xeneralmente "augua lleva".

Lu que nun sou quien a pescanciare cúmu ye pusible que nun país cumu ésti nel que cualisquiera que chega, dende'l africanu que vien en pateira ata'l turista sanitariu que chega n'avión dende los USA, puede operase a coral abiertu, alcontremos qu'hai espannoles que nun tien dreichu a l'asistencia sanitaria. ¿Tamos alloriaos ou sigimos diendu de Quixotes pul mundu alantre?

Quiciabes la Seguridá Social nun pescanciara que'l dreichu a la SALÚ ye ún los dreichos humanos? Onde quedara'l dreichu a la sanidá universal? Cúmu podemos tentare de tar na "primeira división" cuandu hai xente que quedara ensín sanidá pública y solu lu deprende nel momentu que la necesita? Y sobru tóu cumu queremos falare d'estau de bienestar cuandu cun 5.000.000 millones paraos tenemos un sistema que puede deixare precisamente a los más necesitaos, los desempleaos, ensín cobertura sanitaria?

Nun sedría mueitu más cenciellu nun sofitare la picardía'l turismu sanitariu faciendu a esas presonas pagare pulos tratamientos? Purque, nun nos enganneimos, la caridá bien entendía entama pur unu mesmu!

Y aproveitu esti post pa facere una suxerencia al futuru goviernu, cumu tamos en tiempos d'apretase'l cinturón y dimpués de 33 annos untavía naide nun nos desplicara pa que sirve'l Senau, pueden dare exempru d'ecunomía fuliminándulu.

Nesta prósima llexislatura tendremos 264 Senadores pa una población de 47 millones d'habitantes, mientas qu'en Estaos Xuníos hai 100 Senadores (menos de la mitá) pa una población de 313 millones d'habitantes (más de seyes vueltas la población d'Hespanna).

D'estos senadores cuatru lu son pula provincia Madrí pulo que'l sou sueldu mensual sedrá de 3.995,64 (Sueldu Base 3.126,55 euros más indenizaciónes pur vivir en Madrí de 869,09 euros) y los outros 260 tendrán un sueldu mensual de 4.948,93 (el mesmu sueldu mensual peru cuna indenización de 1.822,38 euros pur vivire fuora de Madrí).

Cun esas cifras, el Senau cuéstanos a tolos hespannoles ¡1.302.704,36 euros mensuales! Ye dicire ¡¡¡15.632.452,30 euros a l'annu!!! Y pur tantu 72.529.809,20 (SESENTA Y DOS MILLONES QUINIENTOS VENTINUEVE MIL OCHOCIENTOS NUEVE EUROS CON 20 CENTIMOS) nos cuatru annos de la prósima llexislatura.

Esu ensín cuntare las dietas que tendrán los senadores que viaxen pur trabayu (???) a sabere 120, euros diarios si ye n'Hespanna, y 150 euros si ye a l'estranxeiru. A más d'eillu tolos gastos derivaos del trasporte, seyan n'avión, tren, barcu ou coche págalos l'Estau. Si usan el sou coche páganyes 25 céntimos pur kilómetru y si usan tasi tienen un abonu mensual de ata 250 euros. A l'escontra de los diputaos, los senadores nun tienen ordenadores portátiles y móbiles sinon dos indemnizaciones de 99,78 y 49,90 euros, respeutivamente, pur cada conceutu lu que face un total mensual de 39.515,52 euros, un total anual de 474.186,24 euros y un total nos cuatru annos de llexislatura de 1.896.744,96 (UN MILLÓN OCHOCIENTOS NOVENTA Y SEYES MIL SETECIENTOS CUARENTA Y CUATRU CUN 96 CENTIMOS).

Pur outra parte, los grupos parlamentarios nel Senau tienen unas suvenciones d'alreol los 22.000 euros pur senador nel casu de PSOE y PP y mayores nel restu los grupos. Na pasada llexislatura'l PP recibiera 2,8 millones d'euros, el PSOE (cun menos senadores) 2,2 millones y Entesa Catalana de Progresu medio millón d'euros.

Dimpues de tos estos númberos, nun tengu dulbias que las tiestas entaman a nun pescanciare lu qu'acaez peru baste dicire qu'ensín cuntare lu que reciben los grupos del Senau y lu que perciben los senaores pur desplazamientos que superan en to casu los seyes millones d'euros, lu que podríamos aforrare fuliminandu'l Senau sedrían na más y na menos que 74.426.554,16 euros en cuatru annos que, anque vos paeza mentira, hai annos que "mueitos" nun ganamos tantu!!!

Y si yá queredes perdere completamente la tiesta, esa cantidá en pesetas, sedría de 12.383.536.640 pesetas ou seya DOLCE MIL TRESCIENTAS OCHENTA Y TRES MILLONES QUINIENTAS TRENTA Y SEYES MIL SEISCIENTAS CUARENTA pesetas. Mientas los "nuesos políticos" tan priocupaos pul bienestar del pueblu van subinos l'I.V.A. pa deixare ensín xantare a los probes pensionistas de 500 euros al mes. Vamos, pa meixare y nun pingare!!!

No hay comentarios: