Esti ye'l títulu d'una Tribuna d'Opinión robrada pul Conceyeiru de Cultura Llïonesa del Conceyu de Llión, censurada pul Direutor de La Crónica y espublizada en www.leonoticias.com
La campaña de las elleiciones europeas ta pasandu desapercibida ente los llïoneses. Yá nun ye que dengún partíu políticu d’ámbitu estatal lleve un llïonés nas suas candidaturas, sinón que nin siquier los políticos llariegos falan de las necesidaes d’esta tierra en materia europea.
Lluenxe quedan yá las reivindicaciones en materia agraria, mineira, forestal ou ganadeira, peru ye que tampoucu naide nun diz nada de cuál ye’l papel que debe xugar el País Llïonés n’Europa.
Dende seutores llïonesistas, apresentemos nun va mueitu un programa européu nel que la reconocencia del Reinu de Llión n’Europa yera ún de los oxetivos fundamentales. Esta reconocencia, promovida pul goviernu hespañol, lleva apareyada que l’Eurostat reconoza a Llión cumu una unidá estadística NUTS-2 (Nomenclature of Territorial Units for Statistics), y lu que ye más importante, que los Fondos europeos que se reparten en base a los índices de riqueza, tienen a los territorios NUTS-2 cumu suxetos cunos que se fain los cálculos.
Los avantaxes que supondría pa tolos llïoneses esa reconocencia a estaya europea de las tres provincias llïonesas cífranse n’unas cantidaes que podrían superar los 1.000 millones d’euros, y que la pertenencia del Reinu de Llión a la Comunidad Autónoma de Castilla y León torgará que se nos concedan.
Sedría interesante a lu menos conocere cuála ye la opinión que dende los partíos estatalistas tienen d’estas cousas, especialmente purque nas dóminas de crisis cumu la que sufrimos anguañu ye imprescindible que las ayudas a las que tenemos dreichu cumu llïoneses debíu a criterios cumu los índices de riqueza nun se pierdan, nuevamente, purque Llión nun ye una Comunidá Autónoma.
Tamién sedría imprescindible l’allugamientu de PP y PSOE nu que respeuta a la representación del Reinu de Llión nel Comité de las Rexones européu. Dengún representante llïonés falóu tovía de pur quéi nos sous programas nun hai nin una llínia de defensa de los nuesos intereses.
Entresacado: “El reinu de Llión debe tare n’Europa cumu territoriu NUTS-2 y nel Parlamentu de las Rexones"
Abel Pardo Fernández
Viceportavoz del Grupo UPL en el Ayuntamiento de León
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
Suscribirse a:
Enviar comentarios (Atom)
-
Me piden bailar la jota yo la jota no la sé por dar gusto a los señores yo la jota bailaré Por aquí, por aquí me lo has de dar morena,...
-
Artículu espublizáu na Revista "Ó Noso Lar", Órgano Difusor del 'Lar Gallego' 2013 ( http://comunidadleonesaes.blogspot.co...
-
Ramu de Nadal de sobrumesa Los sous orixes chégannos dende la nueite los tiempos y tán lligaos a las primitivas relixones rellacionadas cu...
2 comentarios:
Lo que tiene que hacer Abel, es dar un poco más la cara e intentar reconducir la nave de la UPL, que va a la deriva y está a punto de caer al precipicio.
Agora ye´l momentu pa qu´Abel seya a dare la cara ensin mieu a que se la partan. Agora ou enxamás Abel. Nun seya que cuandu tu quieras nun haiga namás que migayas pa repartire.¡Abel has de sabere que la UPL te necesita! Anque a dalgunos nun yes preste, nun yes faigas casu. Lu que val de la UPL son las sieglas.Y fae falta xente cumu tu. Y de xuru que hai llïonesistas de verdá. Nun nos defraudes. ¡PUXA LLIÓN!
Publicar un comentario