domingo, julio 16, 2017

La llingua llïonesa en CYLTV na programa "CYL a esame (2017.07.12): Somos idiomas"

Deíxuvos darréu'l vídiu la programa qu'apaez nel títulu: A este respeutu tengu de denunciare la parcialidá cuna que tá feicha y sobru tóu las inesautitudes de dalgunos los participantes qu'ensín dulbia dala nun se deben a inorancia sinon al deseyu la Xunta de facer esapaecere lu llïonés y deixailu cumu dalgu aneudóticu peru siempres dientru "lu castiellán". Y toas esas presonas que falan dende istituciones públicas tienen la cousa mui nidia "Nun van mordere la manu que yes da de xantare". Braeiramente penosu!!!

A más d'eillu annedire que curtionun tolu que you dixera respeutu al llïonés en Salamanca, a las clases de llingua llïonesa que nel pasáu muerganizara'l Conceyu la ciudá de Llión, asina cumu la Diputación en deillos llugares la provincia y que si bien la nota que daba a la diversidá llinguística (na que nun tien un res de vere la Xunta) yera 10, la mia nota a la política llinguística de la Xunta yera, cumu másimu, de DOS!!!

Creigu que falta dalgu más peru cun esas amuesas tá bien nidia la parcialidá'l programa peru lu que ye "pa nota" ye falare del pertués ou del pakistaní, cumu "llinguas de la comunidá" purque gracias al pasáu mineiru llïonés, xentes de Cabu Verde y Pakistan vinun a trabayare ente nosoutros, xentes a las que yes facilitonun mayestros na sua llingua pa los sous fiyos al tiempu que nnegan a los nuesos el deprendizax del llïonés. Ensín pallabras!!!

La mia entrevención alcuéntrase ente los minutos 26:55 y 30:30 y a la fin ente los minutos 46:07 y 46:18.

No hay comentarios:

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...