Poema de la mía collacia Lláncara dedicau al 1100 Cabudannu la esistencia'l Reinu de Llión. Asperu que vos presti tantu cumu a mí:
Llïoneses, bien sabedes lu qu'esti añu se cellebra
mil cien años bien cumplíos
del Reinu, de la hestoria y de la llienda.
Colgai de tolos balcones ornamentos y bandeiras!
Faiga gayola Llión y que lu sepa tola tierra!
Resuenen las nuesas gaitas, tamboriles, panderetas...
Sacai mozos los pendones y al vientu paños estiendan!
Faigan corros los aluches de la Llucha Llïonesa.
Pasen carros a la Virxen y cántenlu los poetas
Que retornen filandones que nun ye cousa de vieyas
Que tol mundu sepa yá, lu guapa que ye esta tierra
Los ruxíos d'un llión dende la montaña chegan.
Creyéraislu adormecíu?
Llión, llevanta la tiesta!
Nun l'agaches enxamás anqu'haiga quien lu pretenda
Xentes del Norte ata'l Sur de la tierra llïonesa
Salamanca, Zamora y Llión
Lluchai pula nuesa tierra!!!
Milenta miles corales baltian toos al mesmu tiempu
Dende'l cielu los pardales, cantan a conceyu abiertu.
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
Suscribirse a:
Enviar comentarios (Atom)
-
Al igual que la primera parte de este artículo, voy a escribir la segunda en castellano porque me temo que alguna gente tiene problemas de e...
-
Me piden bailar la jota yo la jota no la sé por dar gusto a los señores yo la jota bailaré Por aquí, por aquí me lo has de dar morena,...
-
Ramu de Nadal de sobrumesa Los sous orixes chégannos dende la nueite los tiempos y tán lligaos a las primitivas relixones rellacionadas cu...
No hay comentarios:
Publicar un comentario