miércoles, agosto 01, 2012

Vacancias en Xapón: Xullu y 26

El xueves amanecióu cumu cuasi tolos días, cun un sol de xusticia y marchamos visitare'l Castiellu de Nagoya.

Cuandu salimos del metru, dimpués de sacare unas semeyas a los edificios del Conceyu y del Goviernu la Prefetura, mui pispas nosoutras, tuvimos un bon ratu gueyandu un mapa qu'había eillí, tentandu descifrare'l camín pur onde teníamos de dire y una vuelta escubiertu, dimos meya vuelta p'alcontranos un indicador enorme onde unas flechas indicaban el camín del castiellu.

Goviernu la prefeutura d'Aichi

Cá'l Conceyu de Nagoya

El mapa que vos digu, frente pur frente al indicaor

El Castiellu fou bombardeau pul'aviación norteamericana na II Gerra Mundial y quemouse prauticamente enteiru. Ensín embargu mueitas de las pinturas y tesouros pudun preservase y caltiense ata guei y dalgunas costruiciones fonun refeichas ata 1959.







La Torre prencipal, cun ochu pisos, pué visitase y n'eilla hai una esposición pur pisu braeiramente interesante sobru'l pasau del Castiellu, oxetos presonales, pinturas, armaduras, una recriación de dalgunas estancias, un piquennu barriu cun bares y tiendas, maquetas del castiellu, del palaciu, de procesiones, inclusu una bona colleición d'inseutos, ect... Y dende l'outavu pisu hai una vista guapísima de tola ciudá.

Y falandu d'estu nun puéu deixar d'alcordame de lu que dixera la mía fiya sobru éstu: "La verdad es que está genial montado, y me dió una envidia terrible lo bien que sacan partido a su historia los japoneses mientras nosotros (aquellos que seáis de León lo entenderéis) dejamos que se nos caigan las piedras encima.". Creigu que nun paga la pena falare más sobr'esta tema ¿nun vos paez?


A más d'eillu,agora tan refaciendu'l Palaciu Homaru que s'alcontraba nel meyu'l Castiellu y pulos planos y maquetas qu'amuesan yera enorme. Y tamién pué visitase un pabellón onde desplican la recostruición que tán faciendu y amuesan las ferramientas d'epoca cunas que se fizu'l palaciu. Hai tamién un vídiu peru nun lu gueyamos purque tola desplicación en xaponés, la sintíamos peru... nun la pescanciábamos, hahaha.

Puerta del recintu'l palaciu


Planos de la recostruición


Ferramientas de la costruición orixinal

Patrones de decoración


Asina yeran las puertas del palaciu

Parque alreol del castiellu


La torre

Reprodución d'unu los peixes d'ouru qu'había nel castiellu


Maqueta'l complexu'l palaciu



Maqueta de Nagoya medieval

Biombu pintau cul interior las murallas del castiellu





Miniaturas de los sous "pasos" procesionales



Maqueta del interior del palaciu




Utensilios d'escritura

Reprodución d'un despachu-biblioteca

Reprodución d'una armería


Armadura completa

Kabutos (cascos de batailla)


Nagoya dende l'outavu pisu


Una siella de manu

Un árbol de 600 annos

Decoración pal teitu




Salimos del castiellu bien lluene de onde entramos pulu que tuvimos que danos un bon paseyu pa volver al metru y cumu untavía nun teníamos comíu, entamamos getare dalgún restaurante típicu cun una fame de llobu, ata qu'alcontramos dous ou tres bien cerca del hotel y que tenían muy bona apariencia.

Finalmente la elleición recayera sobru ún especializáu n'Udon, platu típicu de Nagoya y la contorna y finamos xantandu Udón y Curry, peru un curry que nun tien un res que vere cul conocíu de la India.

Udon: esa cousa prieta ye una seta que taba bonísima.

Curry xaponés

Dimpués de reposare un pouquín nel hotel salimos outra vuelta caleyare pul barriu y ficimos dalgunas semeyas más:





1 comentario:

xaponesa dijo...

Hola. Soi xaponesa y el mio home ye lleonés.
Agora estudio un pocoñín d'asturianu. Nel futuru prestaríame deprender lleonés tamién!
Allégrome que tuvierais na mio tierra y que vos gustara'l viaxe!!
Un abrazu