Vacancias en Xapón: Xullu y 24

Va una selmana que tamos en Xapón y, pesia que tamos riladas, guei nos llevantamos cumu mozas enantias de las 10 purque tiníamos pur delantre un gran programa:

1. Castiellu Nijo
2. Templu Honnon-ji
3. Templu Rokkaku-do y
4. Museu de Kyoto

y si nos daba tiempu, diríamos visitare tamién Ginkakuji (el pabellón de Plata).

Salimos de l'apartamentu cul tiempu habitual dende que chegamos, sol de xusticia y mueita calor, fuimos caleyandu ata la estación de Kyoto y eillí tomamos el metru pa visitare'l Castiellu y eiquí entamaron torcese las cousas.

Cuandu chegamos a la parada y enantias de salir del metru, gueyamos un cartel cun'alvertencia ensín dicire'l motivu, que'l castiellu taba pechau, cousa pur demás curiosa purque'l día descansu ye'l miércoles y non el martes peru... tuvimos de danos la vuelta y regresare a la parada anterior cuna idega de visitare los dous templos y, darréu, dir al Museu.

Ye verdá que'l home propón y Dious dispón y nesti casu, asina fou. Cuandu salimos del metru, entamaba chovere, anque yera una chuvia fina que cuasi, cuasi s'agradecía purque refrescaba dalgu l'ambiente, peru desigíu, entamóu llevantase'l vientu y arreciare la chuvia ata que tuvimos de getare refuxu nun portal onde chegamos totalmente moyadas y onde asperamos más d'una houra cun un temporal increyible, purque los parauguas que mercáramos en Tokio pula mor la chuvia, taban nel hotel!!! onde, ensín dulbia dala, yeran de mueita utilidá pa las maletas!!!

Entamábamos quedanos conxeladas ente la ropa moyada y el vientu asina purque, anque tábamos a l'abrigada tres los buzones, dalgunas vueltas el vientu nos moyaba asina que cuandu la chuvia fou menos fuerte, dimos meya vuelta y tornamos al metru.

Anque nun s'aprecia bien, paecía que delantre nosoutras hubiera un regatu

Na galería comercial del metru, gueyamos uan piquenna panadería cun comedor onde tinían deillas variedaes de sandwiches, bocadillos, bollos, etc., nel que taban nnunciadas duas clases de crema verduras y, pa entonanos, decidimos xantare eillí mesmu peru, cumu las desgracias nunca nun vienen solas, la crema (de calabaza la qu'escoyimos) anque mui rica de sabor, yera ¡¡¡fría!!! así que d'entonanos, poucu!!!

Tornamos a l'apartamentu y tuvimos de danos una bona ducha pa entrare en calor y llueu un ratín na camina pa reaicionar y dimpués salimos cuna idega de xantare RAMEN, una soupa mui completa y contundente que facen los xaponeses cun deillas preparaciones desemeyadas.

Díbamos getandu un restaurante de Ramen cuandu alcontramos outru que nos paeciera mui apropiau y finamos pur xantare, Soupa Miso, Sushi, Tempura y "Japanese Pickled" qu'asina apaecía nel menú. Tengu de dicire que tou taba bonísimu, mesmu'l sushi qu'a mi me presta mui poucu (pur nun dicire nada). Vos deixu las semeyas pa que gueyéis lu que comimos.

Sushi, llangoustinos en tempura, sopa miso y salsa de soya

Variedá de sushi, sigún la mía fiya el miyor ye'l d'atún

Los "Japanese Pickles" tán na caxa, nas duas bandexinas azules hai encurtíos y una bola branca que yera cumu un flan rechenu de nun sei qué peru taba riquísimu y nos boles hai nunu arroz brancu y nel outru sopa miso

Vos dais cuenta lu bien que xantu cun palillos???

Una cervexa pa quitare la sede (ye'l tamannu normal)

Agora pa la camina que mannana tenemos de preparare los bolsos de viax pula mannanina purque marchamos pa Nagoya. En cualisquier casu guei fou un mal día, quedaron mueitas cousas ensín tiempu de vere asina que... ¡nun séi si nun tendremos de facer outru viax!!!