sábado, julio 28, 2012

Vacancias en Xapon: Xullu y 22

Bonu pues yá tamos en Kyoto, la ciudá que fuera capital de Xapón durante cuasi 1.100 annos ata qu'en 1868 l'Emperador treslladara la capitalidá a Edo, al tiempu que camudara'l nome d'Edo pul de Tokyo.

Y mui cerca l'aparthotel nel que tamos viviendu s'alcuentra'l Nishi Honganji, un templu grande y guapísimu,  arrodiau d'un bellu xardín y costruyíu nel sieglu XIV sobru la tumba'l fundaor la seuta budista Jodo Shinshu, y que ye ún los Monumentos hestóricos de l'antigua Kyoto, declaraos Patrimonnu la Humanidá pula UNESCO en 1994.

















Asperu que vos presten las semeyas, solu pueu annedire qu'ensín tener un res que vere cun esa relixón la sensación de paz y tranquilidá que se respira nesti templu paga la pena de facere la visita.

Dicivos qu'hai outru templu en Kyoto que tamién lleva'l nome Hongan-ji purque provién d'una separtación ente los monxes nel sieglu XIX, ye'l Higashi Hongan-ji que tá mueitu más cerca la estación de Kyoto peru na mía opinión (y d'outra mueita xenti) ye mueitu más interesante'l Nishi Honganji y qu'amás de tou sigi siendu un templu onde pueden vese ceremonias normales de cultu.

Tres visitare'l templu, fuimos caleyandu ata'l templu Toji, y pul camín, ficimos tamién dalgunas semeyas:

Universidá de Kyoto (nun m'alcuerdu'l nome purque hai deillas)

Outra vista de la Universidá

Pul camín una sinnora nos convidóu a un dulce, mui dulce

Enantias de chegare al templu, pasamos pul parque onde s'alcuentra l'acuarium de Kyoto que taba enchenu xenti. Cumu lu abrieran en Marzu y 14 d'esti annu, tolos padres llevan a los sous fiyos gueyare la vida marina.

Dimpués de sacare unas bebidas frias d'una máquina y tare un ratín a la solombra, sigimos el camín ata'l templu que ye la pagoda más alta de Xapón. La pena ye que solu pué gueyase dende l'esterior.


Nel conxuntu'l templu (purque siempres se fala de "templu" en singular peru la rïalidá ye que tos tienen deillos edificios diseminaos nun xardín que mueitas vueltas ye cuasi más espetacular que'l propiu templu) a más de la pagoda había outros tres templos mui interesantes cun estatuas guapísimas, asina cumu un edificiu pa las peticiones y un estanque bastante curiosu enchenu de carpas xaponesas.















Pesia la calor, visitamos los xardines y tolos edificios, ficimos mueitas semeyas (solu esteriores purque nel interior tá prohibíu) y ata mercamos una camiseta pa mí y dalgunos regalines pa la familia na tienda'l templu.

Chegorun las 17,00 houras y cuasi, cuasi tuvun d'eichanos pa que saliéramos, anque agotadas pula calor y tol día de visitas monumentales marchamos pal hotel, pasandu enantias pul konbini onde mercamos la cena (ensalada, pasta cun guevu, salchichas y tomate y yogures a lus que nun ficimos semeyas.


No hay comentarios: