jueves, julio 26, 2012

Vacancias en Xapón: Xullu y 21

Esta mannana cuasi tuvimos de madrugare y dimpués d'esayunare preparamos los bolsos de viax y las mochilas, deixamos l'hotel y marchamos p'hacia la Estación Central de Tokio onde montamos nel Shinkansen (ou seya'l tren bala) cun destinu Kyoto, l'antigua capital de Xapón.

Pué dicise que'l Shinkansen ye l'AVE xaponés anque untavía ye más rápidu purque tardamos alreol de duas houras pa un trayeutu que nun tren "normal" dura 10 houras.

Asperandu'l Shinkansen

El Shinkansen

La nuesa idega yera xantare al chegar a Kyoto peru mueita xenti entamou xantare la comida que llevaba y entamamos sintire l'arume asina que cuandu pasóu una azafata cun un carrín cun xanta y bebías nun pudimos asperare y mercamos dambas cousa que compartimos:

Bocadillos xaponeses: Bocata filetes "rusos" feichos cun carne y verduras

Caxa cun comida xaponesa y café

Carne cun arroz y un pouquín d'ensalada en caún los espacios piquennus

Vista dende la estación de Kyoto

Cuando chegamos a la Estación de Kyoto getamos la Oficina d'Información pa recueyer un mapa y entrugare pula direición del hotel y tamién pur un caxeru automáticu qu'almitiera tarxetas estranxeiras.

Consegimos el mapa y las desplicaciones en un inglés aceutable salpicau de "xapanglish" y chegamos al "ATM coin" un rinconín onde hai caxeros de deillos bancos y eiquí escomencipiou'l Calvariu: Tolos carteles taban en xapones (sólu n'alfatetu kanji, pur si nun lu sabedes la llingua xaponesa tien tres alfabetos: hiragana, katakana y kanji cuntandu ésti cun alreol 1.850 idiogramas n'usu y outros 2.000 qu'esisten peru nun s'utilizan cun asiduidá. Los idiogramas hai que deprendelos de memoria).

Asina que l'única solución yera dir probandu los desemeyaos caxeros ya que tampoucu nun pescanciaba de que bancu yera caún. Asina que dimpués d'alcontrame dalgunos que nun aceutaba tarxetas estranxeiras, chegé a ún qu'entrugoume en qué llingua quería falare y lloxicamente marquéi inglés y pidiye 30.000 yenes (alreol 330 euros), marquei'l PIN y fizu tola operación y dimpués de dicime que taba consultandu cul mieu bancu, devolvióume la tarxeta cul mensax que'l PIN taba equivocau.

You taba cierta que lu marcara bien peru tenté'l reintegru outra vuelta cul mesmu resultau. Cumu "Xana precavida val pur dúas" tinía outra tarxeta d'outru bancu y tentéi la operación cun eilla cul mesmu resultau asina que tornéi a la oficina d'información onde m'unviorun al Bancu Postal Xaponés.

Vuelta a pidire 30.000 yenes y vuelta nnegámelos cul mensax que'l mieu bancu nun aceutaba'l reintegru. Yá cuna desesperación nel rostru entréi nel Bancu y entrugéi a una emplegada pulu que podía facere. You falaba n'inglés peru eilla anque paecía lu pescanciaba, nun lu falaba asina qu'entre xapones, dúas palabras inglesas entre medias y mueitos sinos, volví pal caxeru y finéi pidiénduye solu 10.000 yenes y ¡¡¡oh, millagru!!! dióume los 10.000 yenes. Lu más curiosu fou que ye los pidí outras duas vueltas y asina llogréi los 30.000 yenes que necesitaba. Asina que ya sabedes si el caxeru entama diciros babayadas, a pedir menos dineiru y nestoncias nun hai problema.

Bonu pues cul dineiru nel bolsu, y conas desplicaciones que nos dieran na oficina turismu, entamamos el camín p'hacia l'hotel que "taba a 10/15 minutos". Dende agora vos digu qu'en Xapón los minutos y los metros cunden mueitu más qu'en Llión. Si vos falan de 10/15 minutos, facevos las idega que ye'l doble y lu mesmu pa las distancias en metros.

Cumu'l camín nos cundiera mueitu, entrugamos nuna tienda d'antiguedades y el siñor que falaba mui bon inglés amestau cun dalgu de xaponés, dionos miyores indicaciones que na oficina de turismu.

Cuandu ya tábamos chegandu a l'hotel, consultandu'l mapa nuna esquina, tuvimos la primeira (y ata'l momentu única) amuesa de la picardía xaponesa. Un siñor que diba pasiandu un perrín entrugounos nun perfeutu inglés "May I help you? peru a lu que paecia yera l'única frax completa que sabía n'esa llingua. Cuandu ye mostramos el nome y direición del nuesu hotel, entamou falare en xaponés y pur señas fízunos que ye sigiéramos un pouquín p'hacia la esquierda, coyere una cai y andare unos 300/400 metros, más ou menos, ata que chegamos delantre d'una pensión bastante cutre onde había un siñor na puerta qu'entamou entruganos cuantos días díbamos quedanos y cousas asina, peru you ye dixi que tábamos getandu l'hotel que teníamos reserváu y pagau pur internet.

Entamóu dicire que nun sabía onde taba aquel hotel peru que'l de siéu yera miyor y que pur quéi nun pasábamos. Viendu nidiamente que trataban d'enredanos, mui amablemente y cun mueitas inclinaciones de tiesta, yes dimos las gracias y tornamos a la esquina primeira. Volvimos consultare'l mapa y cuatro metros p'hacia la dreicha taba'l nuesu hotel, el Guest House In Kyoto Highland Shimabara, un edificiu nuevu nel que la única pega yera que nun tien ascensor peru cumu tábamos nel primer pisu esu nun yera un problema.

Ente unas cousas y outras tábamos agotadinas asina que deixandu tolas cousas pul meyu, nos eichamos un ratín pa recuperare fuercias. Lluéu, tres una ducha y bannu a l'estilu xaponés, salimos un ratu caleyare pul barriu pa situanos pal día darréu, mercamos dalgunas cousinas nun conbini y marchamos xantare pal apartamentu.

Vos deixu dalgunas semeyas pa que gueyeis lu bien preparau que taba y anque taba un pouquín apartau (cumu vos dixi, alreol 20 minutos dende la estación), paga la pena dare'l paseu. Y cuasi esqueizu decivos que l'internet wifi ye de baldre:

Entrada

Tres el cannizu tá'l contenedor pa la basura

Acesu a los apartamentos










Mandu pal wc/bidet cun chorru d'augua y aire


Banneiru y ducha (estilu xaponés) cun TV

No hay comentarios:

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...