domingo, julio 22, 2012

Vacancias en Xapón: Xullu y 18

Na crónica que fici l'outru día "Cuasi, cuasi nel fin del mundu: Vacancias en Xapón" (http://www.ellagodelaxana.blogspot.jp/2012/07/cuasi-cuasi-nel-fin-del-mundu-vacancias.html) esqueicí falaros del Hotel.

Lu mesmu que'l vuelu, ficimos las reservas de tolos hoteles pur internet, al trabiés del buscador TRIVAGO y pul momentu tóu va saliendu sigún lu previstu.

Pa los primeiros cuatru días en Tokio, ficimos la reserva nel Hotel Business Villa Omori. Mui bien situau cerca d'una estación de metru peru... cumu la felicidá nun pué sere perfeuta, taba "onde Cristu diera las tres voces" del centru Tokio. La rïalidá ye que nuna ciudá de 36 millones de presonas, cuasi tou tá bien lluenxe, a menos que viaxes cul presupuestu d'un millonariu y puedas dire al Hilton ou cousa asina.

Ensín embargu, l'hotel tinía deillas cousas bonas:
  • Taba nun barriu totalmente xaponés cun piquennos restaurantes que taban enchenos de xente del país.
  • Anque nuna calle cun mueita circulación, la doble ventana nun deixaba cuasi sintire los soníos esteriores.
  • Tolas mannanas, ente 8 y 11, pur cortesía l'hotel, ye pusible desayunare na entrada: duas clases de zumo, café cun lleite, duas clases de bollos de lleite (un cun pasas), duas clases de tostadas (integral y branca), margarina (cun sabor a mantequilla) y duas clases de mermelada.
A más d'eillu, una vuelta que ties de montante nel metru, cuasi, cuasi, date lu mesmu tare nel centru ou non. L'únicu problema ye que'l preciu'l trasporte aumenta'l preciu l'hotel peru, en cualisquier casu tuvimos contentas cuna elleición.

De tolas maneiras vos deixu las semeyas pa que gueyeis cumu yera l'habitación. A más de lu qu'apaez nas semeyas, tenía dous armarios (ún d'eillos pal calzáu), un balcón y bannu privau (lu que nun siempres ye evidente en Xapón, asina que si pensades venir, nel momentu de facere las reservas tenedes que vos asegurar de que'l bannu nun seya compartíu).

Escritoriu cun teléfonu, televisión ya internet de baldre pur cable

Lu qu'en Xapón ye una habitación doble, una cama de 1,22

Puerta d'entrada, a la izda. la semeya el zapateiru, a la dreicha la pila, el frigu y l'armariu la ropa

Y dimpués de tolas desplicaciones sobru l'hotel, entamamos cul primer día completu en Tokio.

Miércoles, Xullu y 18 (d'oscura memoria, hehehe)

Cumu ya vos dixera, el viax llevonos 31 horas efeutivas dende que salimos de Llión ata que chegamos a Tokio, asina que'l dia alantre tábamos esfarrapadas. You tinía untavía las piernas y las pías impladas cumu cántaras pulu que nun nos llevantamos mui prontu.

A más, cumu siempres tien d'esqueicese dalgu, nun traximos los adautadores los enchufes urupeyos al sistema asiáticu (las claviyas los nuesos enchufes son redondas mientas que las d'eillos son planas) pulu que nun podíamos cargare nin los ordenadores nin el móbil, asina que decidimos getare un "konbini" (versión xaponesa de "dire ancá'l ti Andrés 'el del carru' o ancá la tía María" mercare lu que nos faltaba.

Nel konbini que taba xuntu la estación del metru, tenían mueitas cousas, sobru tou comida y artículos de llimpieza peru nada eléutricu, asina que fuimos a xantare nun piquennu restaurante que taba eillí mesmu. El cocineiru falaba cuatru pallabras d'inglés, la camareira denguna, peru gracias al xaponés que fala la mía fiya y a que nuna mesa delantre la puerta tinían espuestos dalgunos menús, xantamos mui bien.

El menú fou el darréu:
  • Sopa miso, taba riquísima y nos fizon repetire.
  • Berenxenas asadas cun salsa.
  • Pescau rebozau cun arroz brancu y ensalada.
  • Té verde xelau.
Nun pudimos faceye semeyas purque'l teléfonu nun tinía batería y deixamos la máquina semeyas nel hotel. (Tenemos una tiesta...!!!).

Dimpués de xantare, tuvimos que dire al hotel pa reposare un pouquín, la calor yera sofocante y nun podíamos cul ánima.

Dimpués d'una piquenna siesta, la mía fiya entrugóu en xaponés al receicionista onde podíamos mercare los adautadores. Sigún eilla, nestoncias fou cosciente del poucu xaponés que sabe peru pueu asegurare que'l receicionista sabía mueitu menos inglés que la mia xanina xaponés. Ensín embargu, yera mui amable y nos fizu un piquennu planu para poder alcontrare el centru comercial "Big Fun" onde na tienda "DON QUIJOTE" (imaxinaivos, dimpués de tantu vuelu, chegamos a "Don Quijote"!!!, hahaha) mercamos los adautadores, un cable USB pal teléfonu (que tamién esqueicimos ancá) y dalguna cousina más. Pur casu siete pares de calcetines purque costaban lu mesmu tres que siete, siendu d'una calidá mui asemeyada.

Ente siete pares hai de tóu, dalgunos mui "discretos", hahaha, peru son mui agradables pa llevare.

Dimpués de recorrere "Don Quijote", al salire outra vuelta a la cai, tábamos cuasi deshidratás pula calor asina que mercamos duas boteillas de chá. La de miéu cun sabor manzana y la de la mía fiya de cha verde.



Volvimos a l'hotel caleyandu pul barriu y entramos nun parque guapísimu, chamáu Heiwa-no-Mori onde ficimos una riestra semeyas. Deíxuvos dalgunas qu'asperu vos presten!!!













Anque nun ye un parque tradicional xaponés yera mui guapu y dimpués de deixalu, alcontramos tamién un piquennu templu del que nun fuimos quienes a alcontrare'l nome peru del que tamién ficimos semeyas.





Y dimpués fuimos cenare, nun restaurante nel que, lu mesmu que pula mannana, yéramos las únicas "giris". Un llugar un pouquín más grande que'l del meyudía, nel que las camareiras yeran mui amables y a más falaban duas llinguas: "xaponés y nipón" (ya sabedes cumu la xenti que n'Hespanna fala duas llinguas "castiellán y hespannol") pero gracias a la mía xanina y a que somos unas mozas mui pispas, xantamos y pagamos ensín problemas.

La mía fiya sólu cenara una soupa tamannu grande (que nun supimos cúmu se chamaba) peru que taba mui rica purque, pa que la allegría fuese completa, la muela'l xuiciu tuvu dánduye la turra los dous primeiros días de tare eiquí. Y you xantéi la misma soupa (tamannu piquennu) y unos llangoustinos rebozaus cun ensalada y arroz. Cumu sabedes l'arroz ye la base la comida n'Asia y xántanla en vuelta del pan.





Y dimpués d'estas semeyas, nun quieru finare esta crónica sobru'l primer día en Tokio ensín decivos qu'hai deillas cousas que me sorprendieran:
  • La primeira qu'en xeneral, eiquí fálase mui poucu inglés peru cumu you cavilara ¿pa qué diannos necesita falar inglés un emplegau del metru Tokio, cuandu tá trabayandu nel sou pais y los sous paisanos falan xaponés? Esta ye una reflesión pa tos aqueillos que dicen "lu miyor ye deprendere inglés purque 'lu fala tol mundu' y non outras llinguas..."
  • La segunda ye la gran cantidá de bicicletas qu'hai en Tokiu y a más hai que ser mui cuidadosu purque circulan pulas aceiras y pula carreteira. Dalgunas vueltas hai que tenere cien gueyos pa esquivalas anque son mui prudentes y respetuosos.
  • La terceira fou que pesia que Tokio ye una ciudá cun 36 millones de presonas (imaxinaivos, vien sere dalgu asina cumu los habitantes de toa Hespanna ensín Madrí y Barcelona) tien mueitas fasteiras verdes y los xaponeses aproveitan cualisquier espaciu mínimu pa ponere plantas que gracias a la humedá y al calor crecen cumu malas yerbas dandu a la ciudá un aspeutu luxuriosu y mueitu más agradable que si solu tuviera cementu.
  • La cuarta (pul momentu) ye que puedes alcontrate un templu guapísimu ou una casa tradicional arrodiaos d'edificios modernos de cementu y cristal. Ye surprendente y una amuesa de que'l urbanismu face cousas estrannas en tolas partes del mundu.
Bonu xenti, que ye tarde y vou dormire. Asperu nun tare mui cansa mannana y deixavos outru capítulu del viax.

1 comentario:

la toquiota dijo...

Hola! Soi xaponesa y el mio home ye lleonés.Agora estudio un pocoñín d'asturianu. Nel futuru prestaríame deprender lleonés tamién.

Allégrome de que tuvierais na mio tierra y que vos gustara la estancia!

Un saludu cordial!