martes, julio 12, 2011

Ofrenda y plegaria pulos reis de Llión nel santuariu Santa María de Queralt

Testu de Carlos Cabañas

Estos territorios del "Camin los homes bonos" comunicaran dende siempres el centru-sur d’Europa cuna península denomada Hispania pulos romanos. Esti camin fou una las principales vías de comunicación durante cuasi tola Edá Meya.

Cuna chegada los musulmanes a la península y bona parte’l sur d’Europa, rompiouse la idega de xunidá política y cultural que caltenieran primeiru los romanos y dimpués los godos, anque esta idega siempres fou falsa. Los primeiros reis de Llión tentaron de caltener esta xunidá nominal cuna sua presona y cargo, peru pescanciaron, quiciabesmente un poucu tarde, que yá nun yera pusible.

Fou l’Emperaor, Alfonsu VII de Llión, de Castiella, de Toledu y de Galícia, casau cun Berengela de Barcelona, quien conxuga pula primeira vegada la presunta xunidá cuna diversidá manifiesta. Poru, anque recibiera l’homenax d’Aragón, Navarra y Provenza, permitióu costituyise en reinu al, ata nestoncias, ducau llïonés de Pertual.

La llienda diz que fou eiquí, nesti santuariu de Santa María de Queralt, onde se conocieran los reis-emperaores Alfonsu y Berengela. Fiyu d’ambos fou Fernandu II de Llión quien, cun esta idega de xunidá na diversidá, titulouse “rei d’Hespaña” peru, al mesmu tiempo, sofitóu los pertueses pa recuperare Santarem y delimitóu la fronteira ente Llión y Castiella –untavía guei vixente- pul Tratau de Fresno-Lavandera. Na corte de Fernandu, sobru tóu nel castiellu rial de Benavente, vivieron el conde Ermengol VII d’Urxell y un séquitu de siñores catalanes.

Y el nietu de Berengela y Alfonsu fou Alfonsu IX de Llión, el primer rei urupeyu qu’almitiera’l pueblu nel goviernu, d’au nacen las Cortes autuales. Una ou duas vueltas visitou las tierras catalanas y, cuasi cun seguridá, esti llugar de Queralt, pa sofitare cun dineiru al sou sobrin, Xaime I, na conquista de Mallorca y, quiciabes, pa sofitare tamién l’afianzamientu la Generalitat cumu istitución catalana.

Pur eillu, nesti territoriu del "camin los homes bonos" que tá, guei y siempres, embaixu la proteición de Santa María, deseyamos facer un llugar d'alcuerdu y plegaria pulos reis de Llión y pur tolos catalanes y llïoneses, vieyos y nuevos. Embaixu la sua intercesión maternal, guárdenos Dious a toos.

No hay comentarios: