Nun país que salía d'una ditadura de 40 annos y nel qu'ata guei nun esiste la democracia, a lu menos, pa una parte los ciudadanos, ye dicire pa los llïoneses que somos tratados na tierra de nuesu cumu ciudadanos de segunda ou terceira clas, esti vídeu nun gueyóu la lluz ata agora, ventiseis annos dimpués.
Van poucas selmanas qu'alcontrábamos outru vídiu subre Riannu y la súa destrución que tampoucu nun pudu vese nel pasáu.
Cun estos exemplos ¿podemos creere untavía na llibertá d'espresión? ¿Podemos creere na igualdá de to@s ante la llei y ante los meyos de (des)comunicación?
Agora vos deixu'l vídiu la manifa de Mayu y 4, 1984, pa los más nuevos que nun la conocieran sedrá una revelación y pa los que ya tienen una edá peru son fracus de memoria, ye l'amuesa perfeuta de que siempres hubu una desixencia d'autonomía pa las tres provincias llïonesas.
Ye pul País Llïonés que lluchamos y sigiremos lluchandu ata consegila.
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
No hay comentarios:
Publicar un comentario