¿Solidaridá? ¿Qué solidaridá?

Van deillos meses que chegóu al buzón de la Xana una lligazón a un reportax sobru la romería la Santa Cruz que, ca primer domingu de Mayu, tien llugar na llïonesa (pur çamorana) comarca de Sayagu.

Las semeyas, obra del fotógrafu Víctor L. Gómez (www.victorlgomez.com) son un homenax al pueblu d'Argusino de Sayago, inundáu, cumu deillos y deillos pueblos del País Llïonés, nel nome la solidaridá, esa solidaridá tan estranna que, nesti país, condena a morrere a unos pueblos pa qu'outros vivan mueitu miyor. ¿Puede chamase "solidaridá" a l'esqueicimientu la xusticia y la igualdá? ¿Quien puede decidire (aparte Dious) quien tien dreichu de vivire y quien tien de morrere?

Y lu pior de tóu ye qu'anque mueitas d'esas inxusticias fonun feichas nel tiempu la ditadura, esa tïoría la "solidaridá" nun morreu cun eilla sinon que nestos tiempos, supuestamente democráticos sigi siendu la coartada pa espulsare a las xentes de las súas tierras, de los sous pueblos, de los sous valles. ¿Puede chamase democráticu un réxime qu'en sin piedá dala condena a l'esiliu, al desarraigu y a la pobreza a dalgunos pueblos pa qu'outros medren a la sua costa?

Cumu diz el propriu autor, las semeyas qu'alcontraréis nel enllaz darréu son un homenax a tolos pueblos que tan embaixu un pantanu, y pulu que nos toca, cimeiramente a aqueillos que s'alcuentran nel País Llïonés, dende los más nomaos cumu Riaño (Llión) ata los menos cumu Anta de Tera y Manzanal de Abajo (Çamora) pasandu pur Oliegos (onde tol pueblu fou lleváu nun tren de trenta vagones a la provincia Valladolí), Vegamián, Lláncara, Bárcena, Ferreras, ect., ect., ect., ensín esqueicere aqueillos pueblos que cumu Sendín ou Burón, perdionun una parte quedandu guérfanos, cun l'ánima rota y las feridas abiertas ata guei.

Xunt'a la lligazón pa gueyare las semeyas, deíxuvos el comentariu l'autor de las mesmas:

http://www.facebook.com/album.php?aid=178340&id=655699733&l=ae31416a8d

En 1967 el pueblo de Argusino, situado en la comarca de Sayago en Zamora (España), fue anegado por las aguas en favor del “progreso” con motivo de la construcción de la presa de Almendra.

Cinco años mas tarde se construyó por iniciativa popular una ermita al pie del embalse (término municipal de Villar del Buey) y en una zona próxima a donde descansa anegado el pueblo. Celebrándose desde entonces una romería cada primer domingo de Mayo (en honor a la Santa Cruz) en recuerdo del pueblo y sus antepasados.

Sirva este álbum como recuerdo a todos aquellos pueblos que como Riaño o Vegamian están sepultados bajo las aguas.