domingo, julio 18, 2010

Riañu... nel corazón

Los mieus collacios de l'Asociación Montaña de Vadinia de Riaño, unvíanme las autividades d'esti branu nel Museu Enográficu Comarcal de Riannu (Plaza Cimadevilla-xunt'a la eigrexa parroquial).

Ye verdá que la Xana nun tien necesidá d'escusa dala pa dire a Riañu peru si amás de visitare la Montanna Llïonesa cunos sous guapísimos paisaxes, podemos facere turismu cultural, miyor que miyor.

L'horariu'l Museu ye de 11,30 a 14,00 y de 17,30 a 20,00, tolos días esceutu los llunes que tá pechau pur descansu selmanal. Pa faceivos una idega de cumu ye'l Museu podedes visitare'l sou blog na lligazón darréu: http://museoriano.blogspot.com/


Y l'horariu pa visitare la eigrexa de Nuesa Sinnora'l Rosariu ye de 12,00 a 14,00 horas, tamién de martes a domingu.

A más d'eillu tán las esposiciones temporales d'esti branu nel Museu:
  • Paisaxes Vadinienses: Esposición de pintura de Saturnino Alonso Requejo. De Xullu y 15 a Xullu y 30

  • Pantasias en Madeira: Esculturas de Raigaños de Miguel Fuente. D'Agostu y 1 ata Agostu y 15.
  • Carboncillo: Esposición de José Félix Gil Díaz. D'Agostu y 1 ata Agostu y 15.

  • Imáxenes y Alcordancias de Riañu: III Esposición de Semeyas Antiguas. Feichu pur Marisa Alcalde, Goyo Carracedo ya Ismael Alonso. D'Agostu y 17 ata Agostu y 31.
Y una vuelta que téis en Riañu, podedes xantare nel "Molino de Huelde" (tlfn. 679303178) onde recuperonun el cocíu d'arbeyos cun nabicoles, a lu menos a mi, préstame asgaya xantalu, anque si nun vos presta'l cocíu tien bien de platos d'una mui bona calidá.

¡¡¡BON VIAX A RIANNU!!! ¡¡¡REGALAIVOS!!!

No hay comentarios: