miércoles, junio 30, 2010

SUANNU OU RÏALIDÁ

Cun un estremezor, Ulaya abrióu los gueyos cuna sensación de que sigía tandu dormida. Anque’l sou sueñu chenouye d’angustia purque paecía braeiramente rial, sospirandu cun aliviu cavilóu que solu yera un sueñu.

Miróu alredor ensin vere. La nueche taba fría y prieta. Prieta cumu la bouca’l llobu, el silenciu yera tan profundu que cuasi, cuasi podía sintise y un golorín dulzón, cumu de tierra removía, fizuye entrugase onde taba.

Nun podía tare na súa casa, purque la cai onde vivía siempres taba enchena de xente y yera mueitu más ruidosa. Nun taba acostada na súa cama que yera grande, caliente y blanda mientas qu’ésta…, yera fría, dura ya estreita, cumu feicha de tablas. Entoncias… ¿onde taba?

Nun podía alcordase de nada ya’l fríu que trespasaba los sous guesos nun ye deixaba pensare cun claridá. ¿Pur quéi taba n’aquel sitiu onde la oscuridá ye arrodiaba cumu si d’un trax se tratara?.

Dambos, silenciu ya oscuridá, yeran escesivos asina cumu’l fríu que taba deixánduye paralizada.

Tratóu de llevantase y nun pudu al tiempu qu’una sensación d’afogu enchenaba’l sou cuerpu. Talmente paecía tare dientru d’una caixa y, de sópitu, outru estremezor recorriú’l sou cuerpu mientas un glayíu escapaba de los sous llabios, el sangre xelábase nas súas venas, l’osíxenu entamaba faltaye ya’l terror s’adueñaba d’eilla.

Naide diba sentire los sous glayíos. Finaba de pescanciare onde taba y nel cabeiru segundu de cordura, enantias de caere nel desesperu, vióu pasare tola súa vida delantre los sous gueyos.

¡Nun yera un sueñu! Taba espierta y yera, cenciellamente, la rïalidá.

Xana

Llión, Xunu y 19, 2010
Día las Lletras Llïonesas

No hay comentarios: