miércoles, enero 20, 2010

Cursu de Llingua Llïonesa en La Bañeza

Guei la Xana tien buenas nuevas pa tola xente que vive en La Bañeza y los alredores. El prósimu llunes, Xineiru y 25 entaman las clases de Llingua Llïonesa.

Peru cumu siempres, la felicidá nun pue sere completa y ca vuelta qu'hai una buena nueva, alcontramos tamién una mala. Nesta ocasión la mala ye que'l nuesu profe, Xairu, al entamare'l cursu en La Bañeza sedrá'l coordinador del cursu y deixará de sere'l nuesu profe eiquí en Llión.

Nun quieru dicire que nun me presten los profes nuevos peru ye una verdadeira pena que Xairu nos deixe. ¡Ñorabona bañezanos, tenedes un mui buen profe! Ya ensin más vos deixu'l cartel del cursu y la información subre'l mesmu:



L’asociación El Fueyu, que tien pur oxetivu’l fomentu y la difusión de la llingua Llïonesa, cun motivu l’entamu’l Cursu de llingua Llïonesa en La Bañeza, comunica que s’aniciarán las clases del mesmu el Llunes 25 d’esti mes, nel Centru Cultural Infanta Cristiana, cuna presentación a las 19:00 h.

Llión y Xineiru, 13, 2010.

Xairu López
Coordinador del curso

6 comentarios:

LLANCARA dijo...

Tou d´alcuerdu cun Xana. Xairu ye un mayesto bonísimo y amás un mozu educáu. Los bañezanos que tamos organizandu´l cursu tamos gayoleiros y deseyandu d´entamare. Entovía tais a tiempu.
Que vos presten las clases tantu cumu a min.
lláncara

Anónimo dijo...

Pues este bocalán la tomó con Xairu: http://www.exllionpedista.nireblog.com

XanaLlión dijo...

Nun t'esmolezas "Anónimo" ye miyor que dalgunas xentes falen mal de tiéu, lu vraeiramente priocupante sedría que falaran bien.

Anónimo dijo...

¿A quién ye importa lu que diga'l blog d'un bocalán asturianu? Impórtame lu que camienta la sociedá llïonesa y non un fracasáu que vierte la sua mierda na rede purque nun puede facere más. Que miren lu que tienen y lu que non tras más de 20 años cun una llei de cuasi oficialidá. Eiquí, cun nada, mira lu qu'hai.

Anónimo dijo...

Hai una llionpedia y un conceyeiru menos

XanaLlión dijo...

Peme, que nun tás mui bien informau, Anónimu las 7,54 PM,

La Llionpedia pesia a xentes cumu tú, esiste.

¡¡¡Qué mala ye la envidia!!!

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...