Bandeiras llïonesas en Salamanca

Van deillos fines de selmana que puen gueyase en Salamanca, tantu nas cais cumu nos meyos de comunicación, bandeiras llïonesas y nun solu bandeiras, tamién tán los comentarios feichos pur salamanquinos qu'entaman dicire, ensin avergoñase pur eillu, qu'eillos son llïoneses, del País Llïonés y non castiellanos cumu tratan de facenos creyere dalgunos voceiros interesaos na destrución del nuesu País.


Cumu creigu que todos sabedes, el vienres, Mayu y 15, taba convocada por FEVESA (Federación de Asociaciones de Vecinos de Salamanca y provincia) una concentración delantre la Estación pa reburdiare escontra'l proyeutu de fuliminare los trenes direutos ente Salamanca y Bilbao y Barcelona asina cumu pa desixire la eleutrificación las llíneas na provincia charra.

FEVESA tá recoyendu robras escontra esti atropellu y podedes descargaivos la fueya de robras na lligazón darreú: http://www.fevesa.org/descargas/Plantilla%20firmas.pdf. Una vuelta enchena la fueya, podedes unviala pur correyu a: FEVESA, Plaza del Maestro Luna, nº 11, 37008 Salamanca.

¡¡¡IMPORTANTE!!! La fuliminanza d'estos trayeutos ferroviarios ye mui importante nun solu pa los salamanquinos. Tamién interesa'l caltenimientu las llíneas a tolas ciudades que tán nel recorríu ente Salamanca y Barcelona y Bilbao asina que podedes recoyere las robras de tolos vuesos collacios anque nun seyan llïoneses. Hai que facere un chamamientu a la vraeira solidaridá ente los pueblos.

Eiquí vos deixu dalgunas semeyas d'aquel día purque ¡¡¡la Xana taba eillí y Ciudadanos del Reinu de Llión tamién!!! peru nun quieru finare esti articulín ensin decivos qu'un los glayíus más esitosus fue:

¡¡¡REAPERTURA!!! ¡¡¡VIA DE LA PLATA!!!