domingo, noviembre 09, 2008

Refuge a la fusión de caixas d'aforru

Dende la Conceyería d'Educación, Cultura Llïonesa y Nuevas Teunoloxías del Conceyu de Llión, unvianme la nueva darreú subre la fusión de Caixas que quieren imponenos ente'l PP y el PSOE autonómicos col sofitu inestimable del gobiernu d'Hespaña.

La Xana ta nidiamente d'alcuerdu cono espresáu pul Conceyeiru y solu dende la sumisión a Castiella, los políticos y los empresarios ¿llïoneses? puen sofitare'l cabeiru ataque que tantu los salamanquinos cumu los llïoneses tamos recibiendu dende la Xunta.

Alcontramonos nun camín recorríu deillas veces, primeiru las promesas (Llión sedrá la "capital económica" de la Comunidá) llueu las amenazas (nun podemos dire escontra'l "clamor popular") pa finare faciendu lu que-ys preste, deixándonos ensin sedes (tantu a Salamanca cumu a Llión) y faciendu "sacrificase" a Pucela cona sede la nueva Caixa.

De tolas maneiras hai una cousa que la Xana tien mui nidia. El mesmu diya qu'entame la caixa fusionada, la Xana deixará de sere cliente de la mesma, los sous peines d'ouro dirán a outra entidá, enxamás a Pucela:

Abel Pardo Fernández, conceyeiru d'Educación, Cultura Llïonesa y Nuevas Teunoloxías nel Conceyu de Llión amuesa la sua oposición al modelu de fusión de caixas que dende la Xunta de Castiella y Llión quier imponese dientru de l'autuación conxunta ente'l PP y el PSOE.

Abel Pardo, declaróu a la prensa que'l nuevu modelu planteyáu pa integrar las caixas d'aforros de Castiella y Llión ye una auténtica aberración ya indicóu que'l modelu más positivu sedría'l de llevar a cabu una fusión de las dúas caixas llïonesas, Caja España y Caja Duero cunas entidades financieras de mediu y altu nivel d'Asturias y Galicia.

Pardo aseguróu que las caixas de Llión y d'estas dúas comunidaes tienen intereses bien asemeyaos y la sua fusión sedría mueitu más afayadiza y favoratible que l'autual modelu que tenta d'axuntare las nuesas caixas cun entidaes de poucu nivel ya intereses dispares. N'esi sen recordóu cumu Caja Rural de Llión s'axuntóu cun Caja Galiza y nun hubu problema nin torga dala al respeutu. Igualemente considera que'l sofitu del PSOE, condena a esti partíu a "una oposición eterna", pa más gloria del PP.

6 comentarios:

Anónimo dijo...

http://www.asturies.com/noticia.php?cod=30570

¡¡¡Muerde Xana, muerde!!!

Anónimo dijo...

Yo si hacen esta fusión...saco mis ahorros del banco...

Marcos

Xana dijo...

Pues tare ciertu que nun sedrás l'unicu en facelu.

Joaquin Torres dijo...

Estube echando un vistazo a tus bloque y no puedo pasar sin saludarte y felicitarte por la labor que haces.
Soy de Gijón pero sabeis los de León lo mucho que os tenemos en cuenta los de Asturias.
Para mi "El Reino de León no es Catilla"siempre fué León ,porque va acambiar ahora ,esto es la ostia.
Saludos de xuacutorres.
Mi bloque por si lo quieres ver.
http://xuacuxixon.blogspot.com/

Anónimo dijo...

Perdona, É "Caja Rural de León" e Caixa de Galicia".

Xana dijo...

Ya peru eiquí chámase Caixa Galicia-León.