Las cousas nel sou llugar

Fai dalgunos diyas, entrugábame un collaciu (bastante más nuevu que la Xana, jejeje) si yera ciertu que'l Bierzu, enantias fue gallegu, purque nun alderique sobru territorialidá, xurdióu la tema y mesmu dalgunos llïoneses nun tenían las ideyas mui nidias.

La rialidá ye qu'alministrativamente el Bierzu integrase nel períodu modernu nel chamau "Partido de Ponferrada" qu'outras vueltas chamouse, Provincia'l Bierzu. Asina asucedióu dende 1591 ata 1789.

Nesti sen, na sala lleutura de la Biblioteca Rexonal Mariano Domínguez Berrueta, del Instituto Leonés de Cultura, hai un mapa xiográficu nel que pue lleese la esplicación sigiente que la Xana copióu testualmente nel añu 2006:

"Mapa geográfico del partido de Ponferrada que suelen llamar regularmente Provincia del Vierzo. También comprende la gobernación de Cabrera y los Concejos de Laciana, Ribas del Sil de arriba y de abaxo, siendo todos parte de la provincia de León.

Por don Tomás López, geógrafo de los dominios de S.M. de las Reales Academias de Historia, de San Fernando, de la de Buenas Letras de Sevilla y de las Sociedades Bascongada y de Asturias.

Madrid, año de 1786"

Con "Pepe Botella", xermanu de Napoleón, el Bierzu taba ascritu a la prefeutura d'Astorga. Nel Trieniu Lliberal (1820-1823) divídese'l Reino d'Hespaña en provincias, siendu una d'eillas la Provincia'l Bierzu, con Villafranca cumu capital, pur eillu chámase dalgunas vegadas "Provincia de Villafranca" ya incluyía los Partíos Xudiciales de Villafranca, Ponferrada, Toreno y El Barco de Valdeorras.

Aprobóuse la súa creyación pur Decretu las Cortes de Xineiru y 27, 1822. En Abril y 7, 1823 chegan a Hespaña los 100.000 fiyos de San Lluis y n'Outubre y 1 del mesmu annu, anulanse tolas autuaciones del Goviernu Costitucional, ent'eillas la división provincial. Asina que'l Bierzu fou provincia esautamente un annu, nueve meses y 4 días purque na nueva división provincial de Javier de Burgos, vixente ata guei, la provincia'l Bierzu tornóu a formare parte la provincia de Llión, esceutu Valdïorras y 11 pueblos de la merindá d'Aguiar que fueron xuníos a la provincia d'Ourense.