Fina d'aprobase guei l'Estatutu de Castiella escontra Llión y los castiellanos vieyos y los sus "palanganeiros" tan encantaos d'habese conocíu.
La Xana, que tá fartuca de pailanes que falan ensin midía dala y ensin vergonna (claru que pa esu hai que tenela) "d'esta gran rexón" y de "qu'hai que mirare'l futuru", aproveitóu que nel programa "La Ventana" de la SER dixun, na tertulia de políticos, que'l públicu podía chamare pa facelu y falare sobru "lu nuesu" (hehehe).
Dimpués tuvun un ratu guapu falandu de Llión, ye ciertu que'l representante'l PSOE y la del PP dixun dalgunas babayadas peru creigu qu'en xeneral tuvu interesante asgaya y en toa Hespanna la xente sintióu .falare de las nuesas demandas d'autonomía pal Reinu de Llión, amás de falare de la prósima manifa del sábadu, Noviembre y 24, escontra la llínia Sama-Velilla.
Podedes sentire la tertulia completa na sigiente lligazón:
La mia conversa tá más ou menos na mitade y tamién tán mui prestosos los correyos d'outras presonas que lleen al final.
Taría prestosu lleere las vuesas opiniones sobru'l programa.
Peru sigiendu cuna tema, guei sentí que dalgunos dicían que guei yera un día prietu pa Llión y you penséi "tan prietu comu los cabeiros 24 años". Tamién tou cierta qu'estos días sentiremos que d'outros ou los mesmos, xente interesada, dirán outra vuelta qu'éstu finóu, que nun hai un res que podamos facere pa tenere la nuesa autonomía y outras frases asemeyadas pa convencenos de que tóu tá perdíu y facere que deixemos la nuesa llucha.
Tienlu difícil asgaya, los llïoneses somos un pueblu vieyu y nun sedrán cuatru politiquillos ensin arrancadeiras los que van podere gananos. Dimpués de cuasi 25 años, sigimos na llucha y los más nuevos, que ya nacieron cul "enxendru" son los más llïoneses, asina que.... ¡¡¡FINAREMOS PUR VENCERE!!!
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
Suscribirse a:
Enviar comentarios (Atom)
-
Al igual que la primera parte de este artículo, voy a escribir la segunda en castellano porque me temo que alguna gente tiene problemas de e...
-
Me piden bailar la jota yo la jota no la sé por dar gusto a los señores yo la jota bailaré Por aquí, por aquí me lo has de dar morena,...
-
Ramu de Nadal de sobrumesa Los sous orixes chégannos dende la nueite los tiempos y tán lligaos a las primitivas relixones rellacionadas cu...
3 comentarios:
mui bona intervención. Deixandu las cousas bien nidias y lu más importante, dandu a coñocer n'outras fasteiras la nuesa realidá. Prestóme asgaya la parte de los mesaxes finales y cumu gemma quedóuse ablucada al sentir que'l 80% de los llïoneses queremos vivire na Rexón Llïonesa.
Outra piquiña aportación pul nuesu finxu.
Gracias fondeiras "PHU", tamién a mí prestonunme asgaya los mensaxes finales.
Hai que sigire faciendu estas piquiñas aportaciones purque los medios iñorannos tol tiempu.
Guei mesmu (24.11) naide dixu un res subre la manifa escontra la Sama-Velilla.
Tou cierta que la mitá la xente n'outra parte sedría nueva d'apertura del TD peru en Llión enxamás pasa nada.
Peru... LA LLUCHA SIGE!!!
Hola a todos y todas: pongo mi granín de arena, ya que me lo pidió Xana en un correo que envióme, perdón por mi poco lleonés, pero me arreglo mejor en español (castellano es pa ellos, no pa nosotros). Pues sí, vaya sorpresa el otro día cuando toi escuchando la Ventana(SER) y oigo a la Xana dando un mitin que te cagas. Fue impresionante (en 3 palabras) y el debate muy bueno, aunque el del psoe se desmarcó con lo de siempre, que sí upl saca menos votos, que si la güela fuma, etc etc pero no habló del pacto leonesista uplpsoe en León ciudad, porque no sabría cómo explicarlo. Que siga la fiesta y gresca asgaya lleonesista hasta la victoria.
Publicar un comentario