martes, noviembre 20, 2007

TOS ESCONTRA LA SAMA-VELILLA

El prósimu sábadu, Noviembre y 24, tos los llïoneses (y tolos no llïoneses que tén priocupaos pul mediu ambiente y el desendolque sostenible) tamos chamaos a manifestanos pulas cais de la ciudá de Llión escontra la llínia d'alta tensión Sama-Velilla (antes Lada-Velilla) que quien facenos tragare, cumu tantas d'outras cousas nel nome del progresu y la solidaridá.

La Xana tá que bufa, ¿el progresu, de quien? ¿la solidaridá, con quien? Y ¿onde tán los políticos "llïoneses" que nun dicen un res escontra estas barbaridaes?

¿Onde tá'l presidente'l gobiernu, cómplice d'esti cabeiru espoliu escontra la nuesa tierra? Pues mui cenciellu, mañana tará "cumu castiellan y llïonés" nas cellebraciones del Senau pula aprobación del Estatuto d'esta anti-comunidá. ¿Daquién pue entavía cavilare qu'esti nuevu "Martín Villa" fadrá dalgu pur nos?

¿Cuandu d'una puñeteira vegada vamos tolos llïoneses a dainos cuenta que ata que nun seyamos dueños del nuesu futuru nun podremos defendenos d'estas agresiones?
Pur esu, la Xana tará'l sábadu na manifestación, glayando escontra la Sama-Velilla y escontra la colonización castiellana de la nuesa tierra y pula llibertá del País Llïonés.

Esperuvos a toos, vou pasare llista, jajaja. Chevare las vuesas bandeiras del Reinu de Llión con llazu verde. ¡Ata'l sábadu, a las 12,00 houras na Plaza Guzmán!!!
¡Vamos amosare a tolos políticos de la Junta y del Gobiernu Central que somos llïoneses y orgullosos de selu y que ¡¡¡NUN PASARÁN!!!

1 comentario:

llenguaddicta dijo...

Hola, Xana:

Et copio aquí l'enllaç a l'entrevista a Juan Carlos Moreno Cabrera que no has pogut veure a través del meu blog. Espero que el llegeixi molta gent, perquè és un lingüista que està fent molt per la dignitat i la igualtat de totes les llengües.

Una abraçada des de Barcelona.

http://www.noticiasdegipuzkoa.com/ediciones/2007/10/01/sociedad/euskadi/d01eus11.752927.php