Y guei la xana tá de lutu. Morrióu una de las miyores escritoras na nuesa llingua. Morrióu Eva y atá la fin la sua vida tuvu escrita'n llïonés. Mesmu la sua esquela nel Diariu taba, nun podía sere d'outru móu, na llingua que tantu quisu, na nuesa tsingua preciosina.
Morrióu Eva y los sous fiyos (y tola sua familia) choran pur eilla. Morrióu Eva y tolos falantes choramos, purque guei tamos tos un poucu guérfanos. Peru, en habiendo falantes de la nuesa llingua Eva tará ente nosoutros y los sous llibros tarán nos nuesos corales.
Ata lluéu Eva, cuandu la llingua tea nos nuesos llabios sedrá que tú tás con nosoutros.
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
No hay comentarios:
Publicar un comentario