viernes, abril 06, 2007

¿Selmana Santa ou Sieglos de Pasión?

Presonalmente creigu que la Selmana Santa y las suas tradiciones tan metías mui dentru'l alma llïonesa y tengu d'almitire que sou Xana peru tamién sou papona y pur esu tou tol día gueyandu'l cielu, comu sabedes la chuvia ye lu pior que pue asucedele a un papón. Tol añu esperandu pa sacar la procesión y d'un plumazu to inútil y ye precisu esperar outru añu.

Quiciabes daquien dirá ¿pur quéi el títulu si cenciellamente fala de Selmana Santa? Nun precipitase, agora va la esplicación.

El Sábadu Santu d'esti añu ye especial y ¿sabedes pur quéi? Purque'n la tarde de Abril y 7, 2007 muchos llïoneses deixaremos de procesionar pa dir a Cistierna. A las 18,00 houras ta prevista una manifestación en defensa de la nuesa Montaña Oriental.

La empresa "Tres Provincias" quié facer una estación de esquí en Llión peru tolas infraestruturas tarán en Palencia, pa eillu, la Junta de Castilla mudóu la proteición d'esa zona palentina (curiosamente'l Consejero de Mediu Ambiente ye palentinu ¿tendrá dalgu que ver?) y ta preparandu unas DOT (Direutrices d'Ordenación del Territoriu) qu'anesionan tola Montaña Oriental Llïonesa al norte de Palencia.

Esta ye la cabeira cacicada, pol momentu, que quieren facenos a los llïoneses comu ya nos ficionun nel pasáu col Pantanu de Riañu, el peche'l ferrocarril "Via de la Plata", la reconversión minera, los regadios qu'enxamás chegan, las llineas d'alta tensión y tolas promesas que nos facen ensin intención denguna de cumplilas.

Comu to estu entamouse nel sieglu XX y agora tamos nel sieglu XXI ye pur esu que falu de "Sieglos de Pasión".

¡BASTA YA! ¡Los llïoneses tamos fartos d'espolios y promesas qu'enxamás son rialidaes!¡Desiximos solidaridá pal Pais Llïonés y respetu pala nuesa identidad y los nuesos dreichos!

¡ABRIL Y, 7 - 18,00 HORAS TOS A LA ESTACIÓN DE FEVE DE CISTIERNA!

1 comentario:

ayalgueru dijo...

La Revista-Blog "dexixon a london", pasa-y a vusté, Xanina, el MEME propuestu pa la Asturblogosfera.


Entre en http://www.dexixonalondon.blogspot.com ya verá'l conteníu'l MEME.

Por favor, nun ruempa la Cadena!!!

un besu