domingo, abril 08, 2007

Guei en Cistierna

Bonas a tol mundiu, guei la Xana manifestóuse'n Cistierna xuntu a más de 2000 llïoneses glayandu pur San Glorio LLÏONÉS y escontra las DOT castiellanas de la "Junta" conas que tratan d'anesionar a Palencia tola Montaña Oriental Llïonesa.

Nun séi el númberu que darán los medios mañana peru sí séi que'l añu pasau, na manifestación d'Agostu polas ambulancias pa la montaña oriental dixeron que tábamos 2000 llïoneses. You taba eillí y na mía opinión guei yéramos pulu menos 500 presonas más qu'en Agostu y subre tóu d'aqueilla solu había tres bandeiras peru guei yera un mar púrpura lu qu'había. Yera prestosu velu y sentire los glayios de "SAN GLORIO LEONÉS".

Outra cousina, d'UPL taban el sou Secretariu Xeneral (Otero), los dos Diputados (Rubinat y García Bayón) y el candidatu al Conceyu de Llión (Chamorro). Del PP taba'l Presidente la Diputación (García Prieto) y el Diputáu (Enrique Gil) y del PSOE vi al Alcalde Cistierna. Creigu que ye un buen rapaz con idegas proprias nun comu outros... (del sou mesmu partíu y de outros)

A lu que diba que m'esnorté. ¿Sabedes quien púsose'n la pancarta que chevaban xóvenes de la zona? El "presi la Dipu". Quieru dexar bien claru que na mía opinión ye un home educáu (que nun ye poucu) peru nun pueu deixar de pensar si la sua presencia na "manifa" nun taría motivada pulos problema que tien pa dire na llista del sou partíu. ¿Sedré mal pensada.... quiciás peru ya sabedes "Piensa mal y.... acertarás".

Pa tolos interesados, podedes lleere los dos manifiestos tantu na páxina de San Glorio Leonés (www.sanglorioleones.blogspot.com) comu na páxina de ComunidáLlïonesa.YE (www.comunidadleonesaes.tk)

No hay comentarios: