¿Xiografia...? ¡Non, gracias!

A lu que paez esti ye'l comentariu que puen facere dalgunos periodistas.

Esta selmana, falandu de la "Vuelta Ciclista al Este y León" tantu nel semanariu "Gente" comu nel Diariu Llión cambionun la xiografia al dicire que "la vuelta será exclusivamente castellana" o "La Junta decide que 'su' Vuelta sea sólo a Castilla".

Esas frases nun tien esplicación denguna purque la mitá la "Vuelta" pasará pulas provincias de Zamora y Salamanca.

¿Dende cuandu Zamora y Salamanca son "Castilla"? Tolos direutores de periódicos tien más de 50 años y creigu (anque dalgunas veces nun amuesanlu) qu'estudionun xiografía nel plan de 1.953. Pa los más nuevos deixu eiquí los nomes de las rexones hespañolas que, d'aqueilla, tolos hespañolines estudiaban conas suas provincias, sigún Lley de 1.833 de Javier de Burgos. Esas yeran las rexones esistentes nel nuesu pais nel momentu d'aprobación de la Costitución de 1.978.
Castilla la Vieja: formada por las provincias de Santander, Burgos, Logroño, Soria, Segovia, Ávila, Valladolid y Palencia.
Castilla la Nueva: formada por las provincias de Madrid, Toledo, Ciudad Real, Cuenca y Guadalajara.
El Reino de León formado por las provincias de León, Zamora y Salamanca.

La división alministrativa y anticostitucional na que tamos metios nun mudó la xiografía. ¿Onde apaez que'l "León" del nome de la comunidá ye pula provincia? Esi Llión ye pul Reinu de Llión que yera la rexón esistente nel momentu del inventu d'esta Comunidá birrexonal. Ye dicire pulas provincias de Llión, Zamora y Salamanca.

Peru tranquis collacios, n'outros 24 años, dirannos qu'esi "León" ye pula ciudá y en ná sedrá solu pula Avenida Ordoñu II. El sou proyeutu d'eliminar tolu llïonés sige'n marcha.

Por ciertu, la Xana unvióu ayeri cartas a los medios de comunicación denunciandu estas manipulaciones. Vedremos si las publican.

¡¡¡AUTONOMIA LLÏONESA YÁ!!!