Imbolc: l'alboriare la naturaleza

Esti sábadu, los astures d'Astúrica Augusta cellebronun IMBOLC, que ye la fiesta l'aniciu la primaveira que cul pasu los annos camudouse na fiesta "Las Candelas".

Lu mesmu qu'en SAMHAIN, los collacios de la tribu los ORNÍACOS d'Astorga muerganizaron el convite. Pa finare la cena fizun una queimada y la Xana dixu'l conxuru darréu. Solu quieru alvertivos qu'en grafía, y cul envís d'evitare problemas de lleutura n'internet pur causa la "ñ" decidí sigire la tradición medieval y camudala en dúas enes, peru nun esqueiceis que'l soníu ye'l de la "eñe" (nn = ñ):

Curuxones, curuxas, sapos y bruxas.

Demonnos, trasgos y diannos; espíritus de las nnevadas veigas.

Choyas, sacaberas, esculibiertos y meigas, embruxamientos de las curandeiras.

Podres tueros afuracaos, llar de guxanas y alimannas.

Llume de la Gueste, agueyos, nnegros fechizos, fedor de muertos, truenos y rellumes.

Clamíu de perru, nnuncia de la muerte, focicu del sátiru y pata de coneyu.

Pecadora llingua de mala muyer, casada cun home vieyu.

Avernu de Satán y Belcebú, relluz de los calabres ardientes, cuerpos mutilaos d'indecentes, ciscos d'infernales culos, ruxíu de la mar bravía.

Ventril inútil de muyer solteira, miagar de muxos en celu, mala gedeya de cabra mal parida.

Cun esti caciyu llevantaréi las llamas d'esti fueu qu'asemeya al del infiernu y fuxirán las bruxas a caballu las suas escobas, diendu a bañase na playa'l sable gordu.

¡Sentíi! Sentíi'l bramíu que dan las que nun son a deixar d'amburase nel aguardiente, quedandu asina purificadas.

En baxandu esti brebax pulos nuesos gannotes, quedaremos llibres de los males de la nuesa ánima y de tou embruxamientu.

¡Fuercias del aire, tierra, mar y fueu! fáiguvos esti brinde:

Si ye verdá que tenedes más poder que la humana xente, eiquí y agora, facéi que los espíritus los amigos que tán fueramanu, participen con nosoutros d'esta queimada.