¡NUN TIEN VERGOÑA!

El pasáu vienres, Septiembre y 27, na Cá'l Conceyu d'Astorga, l'UPL apresentóu una moción pola que'l Conceyu desixia que na prósima reforma'l Estatutu seya reconoscida l'esistencia de duas rexones na Comunidá y además té prevista la creación, nel futuru, de duas comunidáes autónomas, la llïonesa y la castiellana.

L'UPL falóu tol tiempu de la "Rexon Llïonesa" y los suos dreichos. El PP falóu de la "provincia" de Llión peru, na sua opinión, nun yera'l llugar oportunu porquéi ya tán tratandu del nuesu futuru nas Cortes de Fuensaldaña. El PSOE nun dixu un res.

La moción foi aceutada pol duos votos a favor y quince astenciones. Esti resultado pon las cousas nel sou llugar. Los dos partios "sucursalistas" ficienun lu que ys-mandanun dende Pucela.

Pal PP los nuesos dreichos tán bien defendíos en Pucela. Peru lu que ye curiosu ye'l votu'l PSOE. Eillos que siempres falan del suo llïonesismu, nin siquiera espliconun el sentiu'l suo votu.

Tá bien nidiu cuandu falamos sobre'l futuro del nuesu pais: "Nun saben, nun rempuenden". ¿Dalgunu d'entre nos pue pensare qu'estos "políticos llïoneses" van facere cualisquiera cousa pol nuesu futuru?

Entre los suos finxos nun tá la defensa del País Llïonés sinon la defensa las suas prebendas y si los llïoneses vraeiramente interesaus pol futuru'l nuesu pais ya'l futuru los llïoneses nun puen votare esta xenti. La nuesa obligación ya'l nuesu dreichu ye botalos (u seya mandalos pa la sua cá ensin votos pa sigire deixándonos ensin defensa)

¡AUTONOMÍA LLÏONESA YÁ!!!