Esti ye'l slogan que l'UPS (Unión del Pueblu Salmantín) tiene escoxiu pala sua campaña qu'aniciú'l pasáu vienres, Septiembre y, 22.
Mesmu si prencipiu chovere, la nueite'l vienres, los afiliados de Conceyu Xoven, xuventudes d'UPS y UPL na provincia Salamanca, ficienon una guena pegada por tola capital xermana.
Ye prestosu gueyare la semeya na gueb www.uniondelpueblosalmantino.es peru tou cierta que sedrá entavía munchu más prestosu gueyala nas cais salamanquinas.
Tamién vos convidu gueyare'l comunicáu de prensa onde l'UPS diz grandes verdaes.
Tou gayoleira paez que nel sur de Llión el llïonesismu tá faciendu'n buen trabayu pues, nel branu, ficienun outra guena campaña con recoyida robras ascontra'l cimitiriu nuclear na nuesa tierra. Esperu que nas prósimas elleiciones los votos seyan el refrendu d'esti trabayu y podamos gueyare dalgún (o miyor dalgunos) procuradores salamanquinos nun grupu llïonesista nas Cortes (extranxeiras) de Fuensaldaña.
Tamién esperu qu'outros (lleasé cuasi toos los políticos d'UPL qu'estuvienun tol branu de vacancias) sigan el sou exemplu y prencipien pensare que tamos nun añu eleutoral. ¿Danse cuenta que si nun siembran nun puen recolleutare?
¡PAIS LLÏONÉS, AUTONOMÍA YÁ!!!
No hay comentarios:
Publicar un comentario