Enllaces a deillas espublizaciones puestos al día en Febreiru y 2024
Villacé, (Villazé, na grafía antigua de mueitos documentos) n'el valle'l sou nome, alcuéntrase diendu de Villamañán p'hacia Llión pula carreteira'l valle que chega ata la carreteira La Banneza. Ye'l primeiru los puebros qu'alcontramos ata chegare a Fontecha, a sabere: Villacé, Villacalbiel, San Esteban de Villacalbiel, Villivañe, Villagallegos, Pobladura de Fontecha y Palacios de Fontecha. Tamién n'el mesmu valle, anque separtáu de la carreteira'l valle (anque sedría miyor falare de 'camín vicinal'), tá Vallejo qu'anque apaez cumu despobrau cunta cun dalgunos vicinos (anque nun séi si sólu en branu ou tol tiempu).
Pendón de Villacé
(Semeya que me chegóu pur internet va tiempu)
Villacé fou, dende cuantayá, tiesta'l sou Ayuntamientu que taba formáu amás de pur Villacé pulos puebros de Villacalbiel, San Esteban y Benamariel, peru nos annos sesenta'l pasáu siegru, y pula mor la espoblación rural, Villacé perdióu l'ayuntamientu pasandu a facere parte del de Villamañán.
La hestoria de Villacé vien de lluenxe, yera un puebru d'importancia cun conventos de monxes y monxas y hospital de pelerinos cuandu, n'el trascursu "la francesada", concretamente en Xullu y 11, 1811, los 'gabachos' quemonun el pueblu del que sólu quedonun en pia, la eigrexa parroquial (declarada BIC en Setiembre y 11, 2008 pula Xunta, dimpués de 'perdere' l'espediente duas vueltas y abandonada dende nestoncias y asperandu'l dineiru precisu pa la restauración el sou artesón y el restu la nave), la ermita'l Cristu, Santu Patrón del Pueblu, y dúas casas nas afuoras del puebru, una las cuales yera la de la mia familia, onde cul pasar los annos nacienun (ente mueita outra familia) la mia guela y la mia mai.
Artesón na Torre la Eigrexa (Semeya de RAMIRO pa Diario de León)
Na ermita'l Cristu esistían deillos esvotos, ufiertaos pulos agradecíos feligreses en reconnocencia los favores concedíos que, nun momentu dáu, fonun vendíos pul párrocu a dalgunos anticuarios. Cuandu l'Istitutu Llïonés de Cultura tuvu connocencia d'esa venta, tovía chegóu a tiempu de mercare dalgunos d'eillos que s'alcuentran n'autualidá n'el Museu Eunográficu de Mansiella las Mulas.
Deíxuvos d'amuesa, ún d'eillos, ufiertáu pul tataraguelu la mia mai, ye dicire'l mieu retataraguelu, Pedru González Xabares, nacíu en Villacé en Setiembre y 12, 1812, nel qu'apaez cul trax llariegu p'agraecere al 'Cristicu Benditu' (cumu siempres lu chamóu la mia guela) el millagru que ye fizu:
Pedru González Xabares
(Semeya que m'unvionun va tiempu desemeyadas presonas, nun séi quien la fizu)
Capítulu separtáu merez la Cofradía de San Xosé, cunas suas típicas capas y solombreiros prietos. La Cofradía recuperóuse en 1848 y taba formada, ata va poucu tiempu, pur dolce miembros varones y el cura párrocu (n'autualidá el de Villamañán anque enantias yera'l de Villacé). Hai desemeyadas datas pal entamu l'autividá d'esta cofradía peru, esgraciadamente, y pula mor l'incendiu'l pueblu n'el annu 1811 nun se caltienen llibros anteriores a esa data cunos qu'atestiguare la data esauta la sua fundación, anque quiciabesmente esistiera dende la Baixa Edá Meya, De tolos xeitos, sólu podían acedere a la Cofradia vecinos cun determináu apellíu ou los sous descendientes varones direutos.
Las fiestas de Villacé cellébranse en Setiembre, "El Cristu" y en Mayu y 15, Santu Sidru, patrón los llabraores.
Entamu la procesión cul péndón del pueblu
(Semeya copiada d'internet)
Y pa finare esti cenciellu homenax al puebru los mieos antepasaos, deíxuvos una espublización del pasáu Marzu y 25, 2016 del mieu collaciu David Gustavo López García, autor del testu y las semeyas, sobru outra marabiella esconnecía de Villacé: El Monumentu la Selmana Santa.
EL DESCONOCIDO MONUMENTO DE VILLACÉ
Os damos una sugerencia sobre qué visitar en estos días de Semana Santa, pero solo hasta el Sábado Santo, pues en ese día se desmonta:
Me refiero al MONUMENTO DE SEMANA SANTA DE LA IGLESIA DE VILLACÉ (al lado de Villamañán y, por lo tanto, solo a treinta kilómetros de la ciudad de León).
Es un verdadero desconocido en nuestra provincia, a pesar de su grandiosidad y de ser uno de los pocos ejemplares que quedan en España de aquella antigua costumbre de tapar todos los santos de la iglesia durante los días de Cuaresma o, al menos, durante los principales de la Semana Santa. En Villacé lo siguen manteniendo contra viento y marea, a pesar de que ya ha habido varios intentos eclesiásticos de terminar con la tradición, porque, según dice alguna persona, “ya no tiene sentido y casi es un estorbo”.
En las fotos tenéis la muestra de su grandeza e importancia. Nadie, hasta este momento y que yo sepa, había sabido precisar cuándo se había pintado y montado ni quién era su artífice. Ayer lo descubrimos, el presidente del pueblo, Ramiro, y quien esta nota escribe. Detrás de uno de los lienzos, casi escondido, se puede leer: “Tirso pinxt. 1867”.
Lo dicho, no dejéis de verlo. Una joya de nuestras tradiciones recientes. Además la iglesia parroquial de VILLACÉ es un edificio monumental, declarado BIEN DE INTERÉS CULTURAL (BIC), con retablos, imágenes y artesonados que están reclamando una intervención restauradora urgente.
Detalle de la parte central del monumento, con vista de sus tres cuerpos en profundidad.
Parte interior-superior
Vista general del monumento, cubriendo totalmente el retablo central y todas sus imágenes.
Detalle del interior por la zona de atrás.
Noticias relacionadas:
Villacé reivindica el arte mudéjar (12.12.2005)
La iglesia de la Asunción es la última de la lista de los 149 monumentos de León (12.12.2005)
Un artesonado salvado entre decenas amenazados (18.12.2005)
Villacé reivindica el arte mudéjar (12.12.2005)
La iglesia de la Asunción es la última de la lista de los 149 monumentos de León (12.12.2005)
Un artesonado salvado entre decenas amenazados (18.12.2005)
Los tesoros de Villacé (03.05.2009)
El «valioso artesonado mudéjar» de Villacé espera desde el 2005 (26.12.2013)
El «valioso artesonado mudéjar» de Villacé espera desde el 2005 (26.12.2013)
La Iglesia de Villacé, en ruinas (27.07.2014)
Villacé, un tesoro por descubrir (12.04.2017)
El 'último' de los monumentos se alza en Villacé (12.04.2017)
La joya mudéjar de Villacé llora (24.09.2017)
Otros artesonados mudéjares del sur de León (24.09.2017)
Iglesia parroquial de Villacé (Turismo de León)
Iglesia parroquial de Villacé (Turismo Junta)
Ruta por las Iglesias de Páramo, Órbigo y Esla (Turismo Castilla Y León)
La Diputación da oxígeno a un Patrimonio asfixiado (02.08.2018)
Un palacio renacentista olvidado (02.08.2018)
Y museos, bibliotecas, ermitas... (02.08.2018)
Sandoval, la panera como paso previo (02.08.2018)
Marialba, clamor paleocristiano (02.08.2018)
Canales romanos en pleno monte (02.08.2018)
Proyectos aprobados (02.08.2018)
Ruta por las Iglesias de Páramo, Órbigo y Esla (Turismo Castilla Y León)
La Diputación da oxígeno a un Patrimonio asfixiado (02.08.2018)
Un palacio renacentista olvidado (02.08.2018)
Y museos, bibliotecas, ermitas... (02.08.2018)
Sandoval, la panera como paso previo (02.08.2018)
Marialba, clamor paleocristiano (02.08.2018)
Canales romanos en pleno monte (02.08.2018)
Proyectos aprobados (02.08.2018)
Nueva vida para la iglesia de Villacé (23.12.2023)
No hay comentarios:
Publicar un comentario