El cucu rubiellu

Quisiera ser cumu'l cucu,
páxaru que nunca anida,
pon el guevu en ñal ayenu,
y outru páxaru lu cuida.

Cucú, cucú, cucú...

Enuna rebolla qu'hai n'aquel llugar,
el cucu rubiellu entamóu cantar;
si nun canta'l cucu en marzu ou abril
el cucu tá muertu ou la fin va venir.

Cucú, cucú, cucú...

Cucu del rei, rabu d'arau,
cuántu tengu d'andare cul míeu ganau?

Cucú, cucú, cucú...

Cucu del rei, rabu d'escoba,
cuántu tiempu me queda pa la mia boda?

Cucú, cucú, cucú...

Deixaiye que cante, que canta miyor,
siñal que ya chega la bona calor;
que'l cucu rubiellu, pur ser fulgacián,
en chegandu'l branu para de cantar.

Cucú, cucú, cucú...

Cucu del rei, rabu rubiellu,
cuántos años me quedan pa dir al cielu?

Cucú, cucu...

Cucu del rei, rabu de fierru,
cuántos años me quedan pal mieu intierru?

Cucú, cucú, cucú...
Cucú, cucú, cucú...