viernes, septiembre 19, 2014

Chámayelu fiyu, enantias que te lu chamen (II)

Nun vos imaxinades tolas alcordancias que tengu de la mi guela Trinidá peru tengu de dicivos que la frax que pone títulu a esta nota ye una las que más me prestan pulu desplicativa que ye.

Quiciabes vos entrugades pur quéi digu estu y ye mui cenciellu. Hai dalgún "acastellanau" estraviáu que va tiempu que vien a la mía Muria y faz comentarios nas mias espublizaciones. Lu normal ye que saque las pias del tiestu y mesmu nun seya quien a pescanciare lu que se diz peru cuandu nun sabe qué dicire la sua frax carauterística ye chamame inorante, deixandu bien nidia la solidé la sua argumentación yá que sólu sabe amosare que ye un faltosu ensín vergonna.

Esu sí, ye tan falsu qu'a los que nun tamos d'alcuerdu cun el sou "castillonesismu" militante nos chama "ultrallïonesistas" diciendu que ca vuelta ye más abegosu aldericare cun nosoutros. Tá nidiu que de los sous insultos nun diz un res.

Qué vida más mísere tien de tenere esa xente ¿nun vos paez?

No hay comentarios: