lunes, febrero 11, 2013

El lleite... que yes dieron!!!

Va tiempu la Xana mercaba lleite GAZA purque s'apresentaba cumu lleite de "GAnaderos ZAmoranos" y siempres que ye posible la Xana merca produtos llïoneses del País Llïonés.

Un mal día, GAZA fincóu rodiellas en tierra y pusu la tortolla de "Tierra d'Hedor" nos sous produtos y, pur si nun fuora suficiente, entamóu facere publicidá sobru lu bonu que yera'l sou lleite gracias a los pastos "castiellanos". La Xana nun tien confianza na calidá d'un produtu que tá mintiendu sobru'l sou orixe. A más d'eillu si tras sieglos de sere llïoneses, la simple voluntá d'unos políticos pué faceyes camudare la sua identidá en menos de trenta annos ¿cúmu podemos confiare en que no camudarán los sous métodos de produición ou mesmu la materia prima, si dalgún políticu "ye lu pide"?

Nestoncias, la Xana entamóu mercare lleite de "Hacendado", la marca branca de Mercadona, envasada na ciudá de Llión y mueitu más barata.

Dalgún tiempu dimpués, entamóu comercializase el lleite LAR que na súa publicidá s'identificaba cumu "EL BUEN LLEITE LLÏONÉS" (La buena leche Leonesa) y anque'l preciu yera mayor que'l d'Hacendado, la Xana nun tuvu dulbia dala, la cousa taba nidia, tenemos de mercare "LLÏONÉS" y entamóu mercare LAR.

Peru el vienres pasáu, la Xana alcontróu que'l lleite LAR (esnatáu) llevaba tortolla y, nese mesmu momentu, la Xana deixóu de mercare LAR.

L'argumentu ye'l mesmu que cun GAZA ¿cumu confiare na calidá d'una marca que tá mintiendu sobru'l sou orixe?

En cualisquier casu, la Xana sigirá mercandu lleite llïonés purqu'amás del lleite d'Hacendado que, cumu dixi enantias, tá envasau en Trobayu d'Abaixu (Lactiber) tenemos outra marca de lleite llïonés, La Praderina. Podedes alcontrare los sitios onde mercala na sua páxina gueb: http://lapraderina.es/seccion.php?p=puntos_de_venta.

Hai mueitos y mui bonos produtos llïoneses asina que ¿pur quéi mercare produtos híbridos que nun sabemos d'au vienen purque facen publicidá d'una tierra que nun ye la súa?

1 comentario:

Anónimo dijo...

Ay Xanina. Y si no compras Lleite da Central Lecheira Asturiana, que no es lleite llïonesa, pero es lleite del dominio... y tienesla enriquecida con calcio también.

¡Qué leches!

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...