domingo, abril 15, 2012

Premiu "Liebster"

El mieu collaciu Paco, llïonés del sur, ye dicire, salamanquinu, que lleva annos y annos viviendu y trabayandu nel esiliu, tien un guapu bloge El Bisturi nel que, dalgunas vueltas, you mesma escribiera dalgún articulín y que nun pueu sigire cuna asiduidá que quisiera pur falta tiempu.

Ensín embargu, PacoX ye un braeiru collaciu y siempres s'alcuerda de min y pur esu, guei, fízume chegare'l Premiu "Liebster". Pa los que nun conozan el xermanu, esta pallabra cuya torna lliteral ye "Más queríu", úsase tamién pa denomare los "Favoritos".
"Liebster" ye un premiu pa los bloges "piquennos", aqueillos qu'untavía nun tienen mueitos segidores purque nun son mui conocíos y ye una reconocencia simbólica pa promocionalos.

Ca blogeiru que recibe'l premiu tien de facere deillas cousas:
  1. Copiar y pegar el premiu nel sou bloge coneutándulu cul blogeru que ye lu diera.
  2. Premiare los sous 5 bloges favoritos cuna condición que tengan menos de 200 segidores y deixayes un comentariu nuna las suas entradas pa notificayes que ganaran el premiu.
  3. Asperare que la cadena siga y que los sous premiaos, premien tamién a los sous 5 bloges preferíos.
Tengu de confesare que nun tengu mueitu tiempu pulu que nun pueu visitare los bloges los mieus collacios tolu que me prestara peru nun ye difícil pa min alcontrare cincu, mui desemeyaos ente sí, peru que me prestan asgaya y son los darréu:
  • El Bisturí Cumu vos dixera enriba, ésti ye'l bloge de Paco nel qu'amás de deixanos los suas atinadas reflesiones políticas, nos desplicóu la sua esperiencia de llucha escontra un linfoma que quisu, peru pur fortuna nun pudu, faceye callare.
  • Lluna Triste Anque daquién puea acusame de nepotismu, la rialidá ye que'l bloge de Lluna Triste ye un de los que más me prestan.
  • El Barquero Leonés Préstame lleere "las verdades del Barquero" nesti bloge dedicau a recuperare, caltenere y esaltare'l arguyu de sere llïonés, nuna palabra, dedicau a ¡LLIÓN!
  • Colectivo de Opinión "Tiburcio Fernández Álvarez El "blog del Húsar" que tan bonos momentos fízume pasare y que nestos cabeiros tiempos tá un pouquín paráu. Asperu qu'este premiu sirva p'animare a los collacios d'esti combativu bloge llïonés a sigire usandu'l llatigu las suas pallabras escontra los acastellanaos, pancastellaniegos, indocumentaos y sobru tou los serviles polítiquillos llïoneses y xunteiros.
  • Con sal y sin sal El blog de la mía collacia ZMerche merez esti premiu nun solu pulas suas entradas sinon pulos guapísimos vídeos que va un tiempu Merche ficiera pa desplicare que SOMOS LLÏONESES. Cumu siempres digu, "ensinnare a quien nun sabe" ye una obra misericordia y, a lu menos nesi sen, Merche ye mui, mui misericordiosa.

2 comentarios:

El barquero leonés dijo...

Muchas gracias Xana. Para mi es todo un orgullo que te acuerdes de mi modestísimo blog al que últimamente dedico mucho menos tiempo del que quisiera, pero ahí está, vivito y coleando y este reconocimiento hace que intente redoblar los esfuerzos para que así continúe. La lucha por León debe de continuar al máximo por lo menos hasta que consigamos nuestra libertad y después mantener su rescoldo para no perder esa libertad y conservar nuestra tierra y nuestra identidad a salvo de depredadores.

Xana dijo...

Gracias a tí Barquero por seguir en la brecha. Tenemos pendiente un café, no lo olvides. Beisines.