lunes, marzo 12, 2012

Abril y 24, 2012: Cellebración Llïonesista

Vengu de recibire'l correyu darreu del mieu collaciu Chema que vos deixu pa xeneral conocencia:

Estimaos/das Collacios/as:

Cumu sabedes, dende van deillos annos, ComunidáLlïonesa.YE vien muerganizandu n’Abril y 24 l’Homenax a los Héroes Llïoneses, que dende siempres lluchorun pula supervivencia e independencia cultural del Pueblu de Nuesu.

Cumu outras vueltas, la A.C. Raigañu recibiera l’encargu de facere’l disennu’l peguiche que, si vos presta, entrará n’imprenta nas prósimas datas.

Unvíuvos una imaxe’l peguiche, pa que la xulgeis y asperu que vos preste.


De que tea feichu, vos convocaremos a una piquenna riunión nel Varsovia (Cai Arquiteutu Ramón Cañas del Río, pur tras la Catedral), pa repartilos ente toos y asína dare mayor difusión a la nuesa cellebración.

Nestos tiempos abegosos, onde tamos obligaos a caltener economicamente, "fundaciones" creyadas cul solu envis d’esculturizare’l País Llïonés y terxiversare la hestória’l nuesu Vieyu Reinu, ye más necesaria qu’enxamás la tua collaboración y xenerosidá. Pidámoste pur eillu que tentes d’asistire a los autos que se muerganicen y collabores na sua difusión.

Pa unviate estie correyu y outras informaciones sobru las autividaes del Llïonesismu Civil y Cultural, tengu feichu un grupu de correyu lleutrónicu. Si nun deseyas recibire la información, deguelveme esti mesmu correyu cuna pallabra ESBORRIARE nel Asuntu y te fuliminare del grupu.

Robrau

Esti paisanu

¡Saña y porfía, ata llograre l’autonomía!

No hay comentarios: