Ente tolos animales que ficiera'l Creador.
El más prestosu ye'l gochu, gayoleiru y sabrosón.
El gochín qu'asorteaban los del Cochu San Antón
yera'l marranu más guapu que saliera en procesión.
Chamábanlu Tintoreto, pesu: más de venti arrobas
Tenía gueyos faladores cun pistañas voladoras...
Un pelax bien pintureiru envidia de peinadoras
Las mocinas más finolis del pueblu y de la contorna
P'almiralu y pa tocalu poníanse a facer cola.
Asorteonun el gochu y fou a tocayes a dous.
Collacios de tola vida y montóuse ¡la de dious!
A vere cumu partían pa que quedaran a pré
“la metá pa cada unu, en siendu'l repartu igual
pa ti la parte d'alantre y pa min la de detrás”
“D'esu nada parlambalde, que la tiesta nun tien preste
¿Y si lu eichamos a suertes?”
“Mira que semos collacios, a ver si por un marranu
...en siendu bonos tratantes,
vayámosnos a peliar pur un gorrín cun tirantes”
Entrugemos a la guela, que pa esu nun tien preciu
Mueitos annos d'esperiencia, mueitos cuna concurrencia
N'esa tienda na que tol qu'entra bien merca
Y que nun tien competencia purque ye entrar en El Cielo.
Y asina falóu la guela:
“Cumu me chamu Pepina ¡amira que sois bien fatos
Pur un cachu de marranu ¿vais a davos malos ratos?
Los gochos bien se reparten, dende atrás hacia delantre.
A la canal y ta feichu. Y en cuantu antias miyor
Si andabais albidriandu lu de la repartición
Cumu lu deixeís medrare va facese un gran berrón.
Coyeréisye gran afeutu y entoncias sedrá pior.
Julito pon la cadena y también un bon reloj
Que los tienes en La Onza ¡nun te faigas remolón!
Y Felisín pon l'alfombra, cortinones y edredón.
Y que viva cun vosoutros y pa davos cunversación.
Nun lu deixeís pa más tarde,
Ou lu vendéis ou mataiye ensin más contemplación.
Cunvidaréis a la xente pa que ye tiren del rabu
Dimpués querrerán las chichas y arrebañarán el pratu”
Cun gran pena y aflicción, al cochu dixon adious.
Y pa finare'l rellatu
Pues ¡qué viva San Antón!
Y que a tolos animales nos dea la bendición.
CHARO MARTÍNEZ DOMÍNGUEZ
No hay comentarios:
Publicar un comentario