Ista anyada, ta celebrar a fin d’os cursos y ta practicar tot lo aprendito, hemos parato una cursa o diya 18 d’o Chunio a lo puesto sobrarbenco d’a Val de Chistau. Mas exactament a o munecipio de Sant Chuan de Plan, puesto aon se han conservato lumerosas tradicions culturals amás d’o Chistabin que, como totz ya conoixez, ye a variedat de l'aragonés que se charra en a Val de Chistau: Chistén, Sant Chuan de Plan, Plan, y La Comuna: Saraviello, Sin, Senyés, y Serveto. Y que ye una d'as variedatz de l'aragonés más arcaizans y menos castellanizatas.
Cuan i pleguemos, Roberto Serrano, creyador chunto con atros mosicos d'a colla mosical La Orquestina del Fabirol y miembro d’a EFA-Academia de l'Aragonés que vive en Sant Chuan dende fa vente y muitas anyadas, mos fera de guía cultural amostrando-nos y recentando-nos totas ixas tradicions. Mos explicará l’arquitectura d’o lugar con ixas casas con dentrada por diferents plantas a dos carreras. Visitaremos a ilesia de Sant Chuan, consagrata a lo mesmo santo que lo lugar, romanica y bien conservata. Y, prou que si, una visita a lo museu etnografico d’o lugar, uno d’os mas antigos d’a redolada y que estió creyato por una colla de activas mullers que paroron cuenta d’a valura d’a suya cultura autoctona y decidioron recullir aquers instrumens, obchetos y utensilios representativos de l’antiga vida cutiana de l’Altoaragón. Istas mullers remataron creyando El Corro d'es bailes.
Encara bi ha bellas cosetas por acotraciar pero ta totz os intresatos:
- A cursa ye o 18 de chunio
- Pre: 30 € socios de Fablans de Zaragoza y de Nogara. Pre no socios 35 € (incluito bus y chenta).
- Sortida ta ir-ie: Plaza Paraíso a las 08:00 horas.
- Sortida ta tornar-ne: Sant Chuan a las 18:30 horas.
- Inscripcións: n’o telf. de Fablans: 692-263-7391 y n’o correu-e: fablanszaragoza@gmail.com
http://fablanszaragoza.blo
No hay comentarios:
Publicar un comentario