lunes, abril 04, 2011

Resultaos eleutorales: Previsiones

Van dalgunos días (esautamente en Marzu y 28) que la Xana tuvu falandu de deillas cousas cun dous collacios y cumu tamos ca vuelta más cerca las elleiciones, nun determináu momentu la conversa derivóu p'hacia los resultos eleutorales na ciudá de Llión.

Eiquí caún tien la súa idega (mueitas vegadas cuna influencia los propios deseyos más qu'outra cousa) peru nun podemos esqueicere que, dalgunas vueltas, a to@s nos presta xugare a ser adivinos.

Diz el refran "Se diz el pecáu peru non el pecador" asina que nun vos diré los nomes los "pecadores" peru cumu son home y muyer vou identificare las súas previsiones asina. Esta vuelta solu falamos de los resultaos pal Conceyu de Llión (que ye onde vivimos los tres)y pa la Diputación, anque nesti casu solu de qué partíu sedrá'l vinienti Presidente la Diputación. Quiciabes outru día tengamos previsiones pa las autonómicas.

Esta ye la "quiniela" del mieu collaciu "X":
  • 12 Conceyeiros - PSOE
  • 11 Conceyeiros - PP
  • 2 Conceyeiros - UPL
  • 1 Conceyeiru - MASS
  • 1 Conceyeiru - PAL-UL
Presidente la Diputación: PSOE

Y esta outra ye la de la mía collacia "M":
  • 11 Conceyeiros - PP
  • 10 Conceyeiros - PSOE
  • 2 Conceyeiros - UPyD
  • 1 Conceyeiru - CAME
  • 1 Conceyeiru - IU
  • 1 Conceyeiru - MASS
  • 1 Conceyeiru - PAL-UL
Presidente la Diputación: PP

El llunes, Mayu y 23, vedremos quien tuvu más cerca la rialidá.

N.B.: Nun vos preguntéis purquéi you nun vos deixu la mía "quiniela", ye mui cenciellu, sou Xana, non Meiga, nun tengu bola cristal y las cousas tán camudandu de día en día purque untavía nun sabemos cuantos partíos van apresentase na ciudá de Llión (pul momentu vamos pur 9/10) asina que ... ¡nun tengu idega dala sobru quien va algamare los puestos de conceyeiru! Peru témume que, cumu siempres, quien va perdere sedrá Llión, la nuesa cultura y la nuesa identidá y pur eillu, nun séi quien va ganare peru sí séi que perdemos los ciudadanos del Reinu de Llión.

1 comentario:

Anónimo dijo...

La mia previsión:

PP - 13
PSOE - 11
MASS - 2
PAL-UL - 1

UPL - 0 ni lo merecen ni lo tendrán, los leonesistas votamos a partidos leonesistas y la UPL no lo es.