La Mojiganga
L'Antruido ye una “mojiganga festiva”. La pallabra amuesa deillas variantes rexonales: antruydo en Salamanca, entroido na comarca llïonesa d'El Bierzu, antruido, antruexu o antruejo n'outras comarcas de Llión, y entrudo en Pertual.
Zamarrón a caballu
Na Comarca de Riannu cellebróuse en Marzu y 5, 2011 un antruexu tradicional recuperado nel annu 2009. Tolas informaciones pa la recuperanza l'Antruidu provienen d'un habitante de Riannu, natural de Pedrosa'l Rei, Constancio Rodríguez Fernández de 95 annos, onde, dende cuantayá , se cellebraban estos Antruidos. L'Asociación Cultural Montaña de Vadinia de Riaño, muerganizó "la Mojiganga", cuna participación de 25 zamarrones, 6 damas d'antruido, 3 vieyas, un bue, un toreru brancu, un osu y un ciegu
Osu, Gaiteiru y Zamarrones delantre'l mitico Yordas
León, El Ciegu y L'Osu
Trátase tamién de que selemente l'antruido s'estendiera, a lu menos cun pasacais, pul mayor númberu pusible de pueblos la Comarca, ya qu'antannu cellebrouse l'Antruidu en toos eillos.
El Bué cuna Vieya y El Toreru Brancu
Pur eillu, esti annu fízuse un pasacais de zamarrones al son la gaita llïonesa de Fran Allegre pula localidá de Boca Guérganu. Si sinnores, la gaita llïonesa, purque la gaita nun ye sólu asturiana ou galega, y son horas que los llïoneses temos informados de la nuesa riqueza cultural. La gaita llïonesa quedóu cun una forma más arcaica y caltién afinación antigua.
Zamarrón y Gaiteiru
Pa eillu la muerganización l'Antruidu recibiera'l sofitu económicu de los Ayuntamientos de Riannu y de Boca de Guérganu, del Conceyu de Riannu y de deillos establecimientos comerciales de la Montaña, qu'apaecen nel programa l'Antruidu.
Zamarrones y Vieya
Damas y Zamarrones
Nun podemos esqueicere que, tres la mojiganga, tolos asistentes pudieron tastïare'l chocolate feichu xuntu cun frisuelos, delicia gastronómica d'esta Montanna de Llión.
A más d'eillu, esti annu cumu novedá, se promocionó l'aspeutu gastronómicu, cuna degustación en deillos restaurantes de la Comarca, del “Cocíu d'Arbeyos ou Arbeyada”, xanta típica d'esta montanna llïonesa, que taba cuasi esqueicíu y que tamién ta siendu recuperáu.
El llumbre purificador de "La Choza"
Tamién hubo antruido pa los más piquennos, los rapaces cumu yes chamamos en llïonés. El día 5 de Marzu a las 11,00 horas de la mañana nel Ayuntamientu de Riaño, hubu concursu de mazcaras infantil, las mázcaras tenían de sere esclusivamente de presonaxes del antruido. El premiu a la miyor mázcara de zamarrón fou pal rapá Andrés.
No hay comentarios:
Publicar un comentario