jueves, marzo 03, 2011

Calendariu Llïonés: Xineiru y Febreiru

Pasonun dous meses dendi qu'entamóu l'annu y untavía nun tuvi tiempu de falavos del calendariu que fizu esti annu la Conceyería de Cultura Llïonesa de la Ciudá de Llión (aspera la Xana qu'esta nniciativa tenga continuidá l'annu viniente, anque tengamos outru "equipu" nel Conceyu y tamién qu'outros Conceyos del Reinu entamen a facelos cumu ún los meyos de caltenere y sofitare la llingua de nuesu.

En ca páxina amuesan las autividáes entamadas pula Conceyería nesa data y las semeyas corrempuenden a las autividaes de l'annu 2010. A más d'eillu nos meses tán los nomes los santos en llïonés.

Cumu vos digu, van dous meses que'l annu entamóu asina que vos deixu Xineiru y Febreiru y mannana pondréi'l mes de Marzu. A partire'l prósimu Abril, prometu ponelos el primer día'l mes y asina sedrá mueitu más llóxicu ¿nun vos paez?

Escultura nel Patiu'l Palaciu


Sala d'esposiciones Palaciu Don Gutierre

4 comentarios:

Anónimo dijo...

La idea nun está mal, pero que se faga bien, ho.

Eso de facer l'equivalencia Franciscu = Xicu y poner "Baldomeiru" (con diptongu decreciente -ei-) deixan ver una desconocencia de la llingua

Xana dijo...

Tá bien la correición qu'amuesa mueitísima conocencia la llingua ("idea", "está", etc.) anque'l "ho" ye mui revelador.

Si nun se facen cousas, mal y si se facen tamién... ¿acertaremos dalguna vuelta?

Anónimo dijo...

Home, si se fai que se faga bien, ¿non?

"Idea", "está" y "ho" son palabras igual de llionesas que petar, prestar y facer.

Saludos.

Xana dijo...

Efeutivamente, tá nidiu que'l verbu tare conxugase "está".