lunes, julio 12, 2010

Llancara y las buenaventuranzas

Van deillos meses que la mía collacia Lláncara unvióume'l testu que fizu pa un homenax a Durruti. N'aquel momentu esqueicí espublizala (cuestión de tiempu y mala tiesta) y agora, getandu outra cousa, finu d'alcontrala, pulu que quieru deixávosla eiquí.

Tengu de dicire que robraría tolu que diz Lláncara (solu qu'eilla dixilu mueitu miyor que you) y, amás d'eillu, qu'estos versos pueden aplicase a deillas situaciones, nun solu a Buenaventura.

ENSIN TITULU

Nun creigu que l'home seya llobu pal home
Nin na voz d'ordenu y mandu del que viste uniforme
Hai llobos qu´agullan a la lluna
Hai homes que cantan a la lluna
Peru nun sei si llevan uniforme
Nun hai dous días asemayáos, nun hai nada predicible
El airón desordena las fueyas na seronda
El niñu rebélase a la escontra'l sou cuerpu que medra
Y fácese home
El medrar ye desorden
Nun sei si los planetas xiran en órbitas perfeutas
Nun quieru ser planeta
Nin satélite
Nun hai llei qu'ordene a los amantes
La rutina ye'l orden
Hai versos calculaós y de rimas perfeutas
Que nun dicin un res
Hai xente que se despeina y que se mancha
Préstanme los lloucos y los poetas
Préstanme cuandu nun callan
Nun creigu na fe impuesta dende púlpitos y tribunas
Nin nos catecismos, nin nos mandamientos
Nin nos rïales decretos, nin nos bocyles oficiales
Nun creigu en dengún creigu
Sicasí, me prestan las buenaventuranzas

LLÁNCARA, Outubre y 23, 2009

2 comentarios:

LLANCARA dijo...

Estos versos tienen doble versión. mFueron para ser leidos, en llïonés en el homenaje a Durruti. No pudo ser ya que a la organización no le pareció oportuno. Seamos tolerantes por favor, en este caso especialmente. Gracias Xana pol tou sofitu a la nuesa llingua.

XanaLlión dijo...

Efeutivamente Lláncara, alcuérdume d'eillu y si quieres tamién puedu espublizare la torna al castiellan anque n'esti bloge baste cuna versión llïonesa.

Deixulu al tou criteriu.

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...