lunes, febrero 15, 2010

Fogueira de Sueños

El prósimu Abril y 9, 2010, y al trabiés la discográfica italiana "My Kingdom Music", el grupu Llvme, editará'l sou primer album chamáu "Fogeira de Sueños".

El discu tá cumpletamente cantáu en llïonés y sedrá editáu ya distribuídu en tol mundu cul sofitu y la promoción d'una discográfica fuorte.

El discu puede mercase al preciu de 9,- euros y podedes deixare'l "pre-order" al trabiés la web de My Kingdom Music: (http://www.mykingdommusic.net) .

Podedes sentire deillas canciones de "Fogeira de Sueños" nel myspace de Llvme na lligazón darréu: http://www.myspace.com/llvmedoom y tamién en YouTube:

http://www.youtube.com/watch?v=E_xvF51Rs4s
http://www.youtube.com/watch?v=zZEZji2N1_4
http://www.youtube.com/watch?v=LiYpL2zLO_I
http://www.youtube.com/watch?v=_bFrmutMHu8

Llvme ye un grupu de Doom-Black-Folk formáu na provincia Salamanca. Los raigaños de Llvme s'alcuentran na banda de Black Metal "Chaotic Hope", qu'algamóu ciertu renome na escena underground urupeya cunos sous dous primeiros discos, y en K-OS, una banda de Thash Metal que cul sou primer discu entróu nas llistas musicales hespañolas.

La música de Llvme tá basada cimeiramente nun Doom Metal cun deillas influencias de grupos cumu My Dying Bride ou Shape of Despair cun dalguna alcordancia de Black Metal que face pensare nos primeiros Negura Bunget y outro toque Folk de violines y gaitas qu'evocan pasaxes paganos y celtas

La composición de música y lletras ye de Nandu Sánchez cun matice presonales d'outros miembros del grupu. Las lletras ispiranse nel poder destrutivo del fuegu y toas eillas tán escritas en llngua llïonesa, la llingua propia del Vieyu Reinu de Llión, que ye la rexón hespañola a la que pertenecen los miembros del grupu.

Tras grabare a finales de 2007 d'una demo titulada “Llumeiru de Fueu” Llvme sige componiendu canciones ata qu'en 2009 graban “Fogeira de Sueños”, trabayu qu'unvian a deillas discográficas urupeyas. Ente tolas interesadas, Llvme decide editare'l sou primer discu cuna discográfica italiana My Kingdom Music pulas buenas sensaciones y seriedá qu’esti sellu espierta nel grupu.

1 comentario:

Zaskandil dijo...

Prestame mueito lu que tas facendo nel blog y prestanme\"llume\". Hermanos llioneses de salamanca. Prestaríame velus nel directu. Taré atentu al sou traballo. Norabona y gracias pur esti blog.