Esti ye un blog presonal. Naide tien obligación de visitare’l mieu llagu peru quien quiera facelu tien de tenere educación y nun puede chegare eiquí cul envís d’insultare. Mal que yes pese a mueitos acastellanaos y/ou asturianistas, la Xana sigirá lluitandu pula defensa'l País Llïonés, de la identidá LLÏONESA y de la llingua LLÏONESA en tolas suas variantes.
Y enantias de sigire quieru deixare bien nidiu que nun tengu nada escontra los castiellanos y tovía menos escontra los asturianos (seyan ou non nacionaliegos) peru tou ata'l monnu de la Xunta Castiella y de la Xunta’l Principau (que tan d’alcuerdu pa estrozare’l País Llïonés, pur casu cuna Sama-Velilla) peru, sobru tóu, tou fartuca d'acastellanaos y asturianiegos que, cumu harmanos siameses, quieren esborriare’l nuesu nome, deixándulu, nel miyor los casos, en segundu llugar. ¿Onde tá l’argullu d'esa xenti qu'en vuelta de defendere la nuesa identidá, desemeyada d'outras identidaes, siempres tá getandu pul bastón nel qu'apoyase? ¿Quien puede pensare que ye una bona idega camudare un "pallabru" (castellano-leonés) pur outru (astur-leonés)?
El nuesu pueblu tien hestoria ya identidá asgaya pa nun precisare d'outros nomes que’l propiu: LLÏONESES y nun paga la pena lluitare escontra esa "pallabra fea qu'entama pur c", y que mueitos ponen alantre’l nuesu nome, pa camudala pur "outra pallabra qu'entama pur a". Los qu'agora nos chaman "castiellanos" pasarían a chamanos "asturianos". ¿Esu ye lu que queremos? Nidiamente nun paga la pena esi viax pa que sigan esqueiciendu'l nuesu nome.
Peru tornemos al sucu que m'esnorté y eiquí va l’alvertencia:
Ata esta selmana espublicei tolos comentarios, esceutu aqueillos que chegan (en xeneral en inglés) a tolos bloges cun nnuncias que nun tienen un res de vere cunas temas n'eillos tratadas, peru, nestos cabeiros dias, tan chegandu comentarios racistas, etnófobos ya insultantes, la Xana nun va espublizalos. L'insultu (seya a quien seya) nun tará ENXAMÁS permitíu nesti blog, asina que nun insistedes. Tamién alvierte la Xana a esos "demócratas" que nun van silenciala cun menazas de "chamare pur e-mail al Mossad". (Esu ye talante y talentu, ¡Viva'l respeutu pul próximu!).
Nun tengu de desplicare los mieos principios a naide, y menos qu'a naide a presonas qu’escudánduse nel anonimatu tratan d'amedrentame. Esi ye un procedimientu NAZI. Braeiramente tá nidiu que pa dalgunas xentes la ditadura nun finóu. ¿Taría pensandu n'eillos el ditador cuandu dixu que "Tou taba atau y bien atau"?
Y al cabeiru "Anónimu" que moderéi, "colaboracionista" sigún la rae, ye despeutivu y dizse de la "Persona que presta su colaboración a un régimen político que la mayoría de los ciudadanos considera antipatriótico". La Xana puede pescanciare que pal "Anónimu" "colaboracionista" nun seya un insultu (quiciabes nel sou casu seya cenciellamente una definición) peru pa la Xana qu'enxamás prestóu collaboración a dengún réxime políticu, ye un insultu grave, anque nun puede deixar de camentare qu'esti “Anónimu” faz aqueillu de "Chámayelu fiyu, enantias que te lu chamen".
Camudandu la tema ¿d'onde sal lu d'asturllïonés? Esi nun ye'l nome la llingua, ye'l nome'l dominnu llinguísticu (lu mesmu que'l galaicupertués ou el catalanu-valencianu-balïar). Y sobru los isolacionistas creigu que tan falandu de l'Academia la Llingua Asturiana purque sinon nun sou quien a pescanciare cumu ye pusible que tandu ciertos de la unidá la llingua y de que’l sou nome ye “asturllïonés” nun se chamen "Academia la Llingua "Asturllïonesa" A más d'eillu ¿pur quéi falan dalgunas vueltas de "l'asturianu de Llión"? ¿Tamién Menendez Pidal yera un "collaboracionista" ou quiciabes yera un "isolacionista que nun amaba la llingua"? ¿Nun sedrá qu'hai un espansionismu político agazapáu tres el nome la llingua?
La llingua LLÏONESA nun precisa "salvadores" repartiendu títulos "d'amantes y non amantes". Precisa falantes y clases pur tol país pa que tolos interesaos n’eilla puedan usala y adeprendela. Precisa que los llïoneses recuperemos l'argullu de selu y lluitemos pul caltenimientu y desendolque la nuesa cultura na que la llingua ye una parte mui importante.
El "repartu títulos" ye propiu los reximes totalitarios y mesmu que daquien quiera amazcarase cun pelleyos cordeiru, la Xana nun va deixase confundire y siempres tará escontra los totalitarismos.
¡¡¡PUXA'L PAIS LLÏONÉS LLIBRE!!!
¡¡¡OFICIALIDÁ PA LA LLINGUA LLÏONESA!!!
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
Suscribirse a:
Enviar comentarios (Atom)
-
Me piden bailar la jota yo la jota no la sé por dar gusto a los señores yo la jota bailaré Por aquí, por aquí me lo has de dar morena,...
-
Artículu espublizáu na Revista "Ó Noso Lar", Órgano Difusor del 'Lar Gallego' 2013 ( http://comunidadleonesaes.blogspot.co...
-
Ramu de Nadal de sobrumesa Los sous orixes chégannos dende la nueite los tiempos y tán lligaos a las primitivas relixones rellacionadas cu...
18 comentarios:
ḥaḥaḥaḥaḥaḥaḥa
Vaya la que te tien de tar cayendo.
Siempre arrespuendes lo mesmo.
Y tu más, y tu más, y tu más....
Xanina, dicis verdaes cumu la catedral de Llión de nidias y guapas. Hai qu´entamar outra Reconquista, la del nuesu arguyu y dinidá. Yá sufrimos mueitas dictaduras, asina que nun vamos aguantare denguna outra de los mercenarios que nun son a pillare cachu y fácense del enemigu. La verdá sólu tien un camín: LLIÓN LLIBRE. You tou atusándu las mias gedeyas....
You de la llingua tamién vei tener la sua entrada. Nun te preocupar.
Menos los totalitarismos de Abel Pardo, que conste
¡¡¡ UN MOMENTO !!!
¡NO! La Xunta Xeneral del Principáu d'Asturies votó, por unimidad EN CONTRA de la Linea de alta tensión entre SAMA Y VELILLA:
http://www.europapress.es/asturias/noticia-parlamento-asturiano-pide-unanimidad-retiren-torres-alta-tension-trazado-lada-velilla-20091002115546.html
Ahora si la Xana es tan justa, tendrá que rectificar.
Sientu tener que corrixire al "Anónimu" las 12,31.
La Xunta'l Principáu nun dixu un res escontra la Sama-Velilla y el sou Presidente psocialista, Álvarez Areces, dixu en Rodiezmo, na Fiesta la Minería, que la llínea yera irrenunciable.
L'artículu de l'enllaz diz que'l Parlamentu Asturianu votóu pa pidire la retirada las torres d'alta tensión puestas van deillos años peru nel mesmu artículu dizse que:
"Enríquez reconoció que no tiene sentido mantener las torres en la zona, dado que se está a la espera de la tramitación de un nuevo trazado. En este punto, recordó la importancia que tiene para Asturias las líneas de evacuación energéticas, como Lada-Velilla o Soto-Penagos, para el futuro de las centrales térmicas, las energías renovables, las plantas de ciclo combinado o la regasificadora."
Faciendu mías las túas pallabras: "Si yeres xustu asperu la túa reutificación".
A l'anónimu las 11,32
La Xana tá escontra tolos totalitarismos y tienlu amosau deillas vueltas.
Ye mueitu más de lo que tu pues dicire.
Pues sí que ahí la tienes:
En Asturies existe separación de poderes, así:
-TSXA (Tribunal superior de Xusticia d'Asturies) que se encarga del poder judicial dentro de Asturias.
-XXPA (Xunta Xeneral del Principáu d'Asturies) del legislativo, es decir, leyes. Es el parlamento que nos dimos todos los asturianos.
-Gobiernu del Principáu d'Asturies, es quien obstenta el ejecutivo.
Resulta que las lineas de Alta Tensión van por torretas eléctricas que es contra lo que los ecologistas de León y Asturies están en contra. No de la linea en sí, necesaria para la producción eléctrica en algunas zonas y su consumo en otras. Si se quitan las torretas eléctricas, como la XXPA votó, entonces no hay ningún problema.
El Ejecutivo asturiano está a favor de sacara la energía asturiana hacia el Oriente y el Sur, y la XXPA votó, de forma no vinculante, que se retiren las torretas eléctricas, resolviendo el problema.
Bueno, a ver las autoridades Castellanoleonesas y españolas que hacen.
(Espero que no te pases con la censura en mi comentario)
Asina se fala Xana. Agora tamién tenemos que lluchar escontra dalgunos asturianos (que pur ciertu, tienen de prestáu del País Llïonés ata el sou nome, xddd) amás de Castiella en xeneral. Peru ye igual, llucharemos escontra toos los que quieren, dende cuantayá, esborrianos del mapa; purque una cousa ta nidia, los llïoneses enxamás nos rendiremos.
Norabona Xana pula tua llucha.
Saludines dende Salamanca, dende'l sur del País Llïonés.
PUXA'L PAÍS LLÏONÉS LLIBRE!!
"la Xana siempre tará escontra los totalitarismos (sic)"...
...mentres los totalitarismos nun vengan dende Abel Pardo.
La Xana sigui ensin condergar a Auslli. Como'l primer anónimu, vaya la que te diten de tar cayendo.
Para el Anónimo de las 10,16 AM
La separación de poderes, al menos sobre el papel, existe en todo el Estado Español puesto que esa es una de las bases de cualquier estado de derecho.
En lo que respecta a la Sama-Velilla me parece que ni te enteras ni te informas:
Las Cortes del "Este" y León votaron el pasado día seis contra el trazado de la línea:
http://www.diariodeleon.es/noticias/noticia.asp?pkid=482047
Sin embargo, los leoneses estamos en contra de la línea porque es totalmente innecesaria como ha dejado sobradamente demostrado el profesor de la Universidad de León, Julio Lago, con datos de la propia Red Eléctrica Española, y lo que defendemos es que la citada línea es innecesaria.
Lo de producir energía en unas zonas y consumirla en otras va completamente en contra de lo establecido por el propio Plan Energético Nacional que establece que hay que acercar la producción al consumo.
En cuanto a tu última frase no sé a qué viene puesto que en este blog no hay censura, simplemente la Xana no se hace corresponsable de los comentarios insultantes con los que algunos "superdemócratas" tratan de descalificar a quienes consideran sus enemigos.
Pal Anónimu las 11,33 PM
L'únicu totalitarismu que sou quien a pescanciare ente las visitas al miu llagu ye'l de los panasturianistas espansionistas y cumu nun cansu de dicire nun vou lluchare pur camudame de "castiellanu-llïonesa" n'"astur-llïonesa" cuandu la rialidá ye que siempres fui, cenciellamente LLÏONESA.
Creyía que la tema la Llionpedia taba nos Tribunales que sedrán quienes xuzgen, en primer llugar, si hai casu y d'habelu, investigarán los feichos y buscarán los responsables.
En cualisquier casu, ye ciertu, nun condenéi a Abel Pardu pul'artículu subre l'Holocaustu, ente outras cousas purque nun séi quien ye l'autor.
Tampoucu condenéi aqueillos que cul solu envís d'espulsare Abel del Conceyu de Llión toman la parte pul tóu, condenandu la Llionpedia pula mor d'un artículu.
Y nun t'esmolezas (lu mesmu que l'Anónimu las 7,07) pur min, nun tá cayéndume un res. Lus que tenedes una fixación cun Conceyu Xoven, y subre tóu cun Abel, sodes los dous ou tres de siempres. Creigu que tendríais de faceroslu mirare.
Si ye que nun creigu que seya tan dificil d' atalantar. Nun somos castellanos, nin llïoneses y castellanos, nin asturianos, nin llïoneses y asturianos.
¡SOMOS Y SIEMPRES SEDREMOS LLÏONESES! y puntu.
Tou d'alcuerdu cun tieu, Xuan, nun ye dificil d'atalantare peru la tema ye que, cumu diz una canción llïonesa:
"Quien nun tien tiesta nun precisa sombreiru"
Ta nidiu qu'ensin tiesta ye mueitu más compricau cavilare y pues tare ciertu que tola xente que trata de camudanos en "castiellanu-llïoneses" ou "astur-llïoneses" (pur non falare d'aqueillos que "cumu ye mui llargu" chamannos cenciellamente seya "castiellanos", seya "asturianos") ye purque "nun precisan sombreiru".
¡¡¡SALAMANCA, ZAMORA Y LLIÓN, SOMOS REXÓN!!!
¡¡¡PUXA'L PAIS LLÏONÉS LLIBRE!!!
Ohhhhhhhhh
Oi una cousa, qué yía del "Leonés encantado con la Llionpedia"?¿
Yá nun se-y vei'l pelu.
Por cierto Xana. Tu que ties más mano con Abel Pardo... ¿puedes dici-y que Telemonica tien un mensaxe? Él entenderá.
Probablemente tará nel mesmu sitiu que l'Anónimu que quier facenos creyere que, nel casu la Sama-Velilla, l'unica cousa que nos priocupa a los llïoneses son las torretas: Ye dicire tará faciendu outras cousas.
En cuantias al mensax p'Abel creigu que sedrá miyor si tu mesmu facesyelu chegare ¿non? La Xana enxamás fou "correveidile" de naide peru menos entavía de daquien nun tien las arrancadeiras de robrare cul sou nome.
Ye propiu de feixistas tirare la piedra y escondere la manu y entavía mueitu más descalificare'l tóu pula parte.
¿Nun sedrás el mesmu Lazslo que nuna nueva subre l'entamu los cursos de Cultura Tradicional Llïonesa escomienza a insultanos a tolos llïoneses?
Peme qu'esos son los modos "democráticos" que tien dalgunos. L'insultu de baldre a tol mundu.
Xana estás hecha un Sherlock Holmes, ¿eh? Vaya, creo que diste en el clavo y acabas de sacar a Pardo de un buen lío.
Jojojojo
You nun tengu necesidá denguna de sacar a naide de dengún líu, peru quiciabes tolos valientes que falais ya escribís nel anonimatu metiénduvos n'honduras, tengades que buscare daquien vos saque d'eillas.
La Xana rimpuendu pur eilla mesma y ye llibre pa dicire lu que ye presta ensin sigire cumu las ouveyas a dengún pastor (ou sedrá santón) que tea pa l'outru llau del cordal nin pa esti.
¿Sedrá pur esu que daquien quier facela callare cun menazas?
Publicar un comentario