domingo, agosto 30, 2009

DIGU LU QUE ME PRESTA

La mía collacia Lláncara, unviame esta poema que vos deixu embaixu asperandu que vos preste tantu cumu a mi mesma. Gracias Lláncara pur escribire na llingua de nuesu.

DIGU LU QUE ME PRESTA

Agora que toos dicin: sponsor, fashion, parking, running...
Préstame dicire: collaciu, cai, solombra, nnal
Préstame la tenada, l'escannu, el llar prendíu
La Salga, el filandón, l'antruexu, la mata y la vendimia.
Prestánme los requeixos, las viescas, los cordales
Los conceyos abiertos, el voltiar de campanas
Préstame sentire'l cantu'l pardal, la chave de la puerta cuandu chegas
La chuvia nel cristal
Los llobos qu'agullan a la lluna, el mastín que guarda las ouveyas
Préstame'l mieu perrín.
Palabras cumu mai, amigu, fiyu, berzu
Entruga, arca, coral, falispa...
Préstame la color carmesí, la dedaleira, la zreizal
Amurrinar, afalagar, abellugar, adeprendere...
Digu lu que me presta
Cumu l'augua nidia y trasparente
Digu la ponte, la fonte, la regeira
Digu'l tou nome, el nome del mieu Reinu.
Digu lu que me presta
Y de xuru, diciréi mueitu más.
Ceu, ceu...


LLÁNCARA

No hay comentarios: