lunes, diciembre 31, 2007

Morréu Ramón Carnicer

Guei oyimos la nueva, la mala nueva, que Ramón Carnicer que'l día de la Nuechebona cumplióu 95 años, morréu ayeri.

D. Ramón yera un home con sentíu común (que ye'l menos común de los sentíos.) lu que pulos nuesos pueblos, chamamos un home cabal, de cuerpu enteru. Yera llïonés y nun taba dispuestu a camudare'l sou sentimientu pul "platu lentexas" que la Junta de Castilla dai a aqueillos que se dicen "castellanos y leoneses".

D. Ramón Carnicer yera tan lúcido que dixu:

«A León, en la España actual, sólo nos quieren para producir kilowatios. Y lo siento pues es la provincia más extensa y con más recursos».

y tamién dixu (en 1989)

«No puedo entender la indiferencia de la gente ante la degradación del medio ambiente»

¿Cual pensades que sedría la súa opinión subre la llínia Sama-Velilla?

D. Ramón tenía un defeutu terrible, yera independiente, quiciabes pur tudu esu enxamas tuvu sofitos istitucionales y pur declarase siempres llïonés la Junta de Castilla deixóulu fuera del sou catálogu d'escritores de Castilla y Llión d'esti mesmu añu. Claru que nun ofende'l que quier sinon el que pue facelu. Esa ausencia solu pue amosare l'altura ética y moral d'aqueillos que nos (mal)gobiernan y tolas conocencias qu'eillos tien de la vraeira lliteratura.

Descanse en paz D. Ramón Carnicer, villafranquino, bercianu y llïonés.

5 comentarios:

Eduard Abelenda i Puigvert dijo...

Tinc entès que també era un filòleg que va fer durant molts anys artícles periodístics sobre la història de les parules. Així ho ha dit aquest matí Ramon Solsona a l'emissora RAC1 i ha dedicat la seva secció de comentari de paraules catalanes a Ramón Carnicer, perquè el reconeixia com a mestre. Tan de bo (ojalá) que tinguem més mestres que estimin la vertadera història de les paraules.

Xana dijo...

Ciertu Eduard, D. Ramón Carnicer yera filólogu y dimpues de la gerra (in)civil marchóu a vivire a Barcelona onde morreu.

Ye curiosu peru creigu que los llïoneses sentímonos mui bien na vuesa ciudá.

Cumu mui bien dices ye importante apreciare la vraeira hestoria las pallabras.

En cualisquier casu, tolas llinguas merecen respetu y solu aqueillos que nun creyen nel valor de la llibertá ni de la xusticia puen dispreciare las llinguas qu'inoran.

Cumu diz un collaciu pertués de fala llïonesa na sua variante mirandesa: ¡Salú y llinguas!!!

¡Bon Cabu d'Añu y Prestosu 2008!!

Anónimo dijo...

ALUCINO EN COLORES O ESTOY TENIENDO UNA PESADILLA DADAS LAS ALTAS HORAS,PERO RESULTA QUE EN LEÓN TODA LA VIDA HABLANDO UN CASTELLANO TAN PURO Y RESULTA QUE AHORA HABLAIS MEDIO BABLE,MEDIO NO SE QUÉ.QUIERES ROBAR HASTA NUESTRA MITOLOGÍA,SON NARICES.COMO LOS CÁNTABROS,TAN FINOS ELLOS Y ANDAN POR AHI TRATANDO TAMBIÉN DE ESQUILMARNOS ALGO.QUÉDATE CON TU "REINO" Y BÚSCATE TUS PROPIAS PRINCESAS Y NO CUENTES MÁS CUENTOS PORQUE NI LOS NIÑOS SE LOS CREEN."PUXA ASTURIES" Y LEÓN DE TODA LA VIDA "VIVA LEÓN". YOU VOU A MORRER PERU DE RISA,GUAJA.A QUE NO TIENES LO QUE TENDRÍA UN NOBLE ASTUR Y NO BORRAS ESTE COMENTARIO?SI LO HACES TE DIRÉ COMO SOIS CONOCIDOS ,COMO "CAZURROS" ,ESA ES VUESTRA AUTÉNTICA XANA.MIRA QUE TE MANDO EL CUÉLEBRE!!!!!!.....PA QUE?.SEGURO QUE NI TE COME PORQUE NO LE GUSTARÍAS JA,JA,.TAS FLIPA,NIÑA CASTELLANA

Anónimo dijo...

EL SR.RAMÓN CARNICER SI LEVANTARA LA CABEZA SE CAERÍA DE CULO, PORQUE NO ENTENDERÍA VUESTRA MANERA DE HABLAR,QUE SOIS CASTELLANOS,OH,QUE NO HABLAÍS BABLE ,QUE JAMÁS LO HABEÍS HECHO.PODEÍS INVENTAROS ALGUNA LENGUA PERO NO ROBEÍS LO QUE NO OS PERTENECE.PUXA ASTURIES.

Xana dijo...

“Anónimo” nun tengu necesidá denguna d'esborriare el tou comentariu, tu mesmu descalifícaste cun eillos. Ta nidiu que nun ties idega de lu que falas peru anque nun lu pescancies, la hestoria nun s'entamóu ayeri.

Tou cierta qu'enxamás sentiste falare d'astures cismontanos y transmontanos. ¿Sabes pur casu onde tá’l ríu Astura d’onde vien el nome “astur”? Mal que te pese tá en Llión purque “Astura” yera'l nome del autual Esla. ¿Quién cheva entoncias nomes axenos?

La mitología astur (non asturiana) ye de mieu dende’l tiempu los romanos. ¿Sentiste d’alguna vuelta falare de Llancia?

L'asturianu ye cenciellamente un deriváu del llïonés, la llingua qu'entamóu a falase ya escribise nel sieglu X nel Reinu de Llión na que taban escritos tolos Fueros (Lleis del Reinu). Nun taría mal que t’informases tamién subre la “Nodicia de Kesos”.

Dimpués de lleere los tous escritos creigu que tu yes el que quier quedase nun solu cona mitología astur, que tamién ye de nuesu, sinon cona nuesa hestoria, la nuesa fala y los nuesos reis y dimpues dices que somos nosoutros los que robamos. Cumu dicía la mia guela, "chámaselu fiyu enantias que te lu chamen".

Pa finare, gallegu, deixute un conseyin, menos insultos y más lleere ya estudiare asina nun amuesarás inorancia cuandu fales y deprenderás que’l Reinu de Llión nun ye Castiella.

¡¡¡PUXA'L PAIS LLÏONÉS ENSIN CASTIELLA!!!

¡¡¡SALAMANCA, ZAMORA, LLIÓN SOMOS NACIÓN!!!

¡¡¡PROVINCIAS TRES, PAIS LLÏONÉS!!!

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...