Manifa escontra la Sama-Velilla

El sábadu pasáu miles de llïoneses, col sofitu de varios cientos d'asturianos, salionun a las cais de la ciudá de Llión a glayare escontra la llínia Sama-Velilla (chamada enantias Lada-Velilla).

Sigún la policía yéramos 3.000 presonas, la rialidá ye que cuandu la tiesta la manifa taba na Plaza Circular, chenandu la Gran Vía San Marcos, la plaza Sto. Domingu y l'avenía Ordoñu II, entavía había xente na Plaza de Guzmán. A lu menos estu ye lu que diz La Crónica y los que conocedes la ciudá de Llión creigu que tareis d'alcuerdu con miéu que ye precisu xuntare más de 3.000 pa chenalas.

Nun tengu semeya denguna peru deixuvos eiquí la lligazon d'un vídeu nel que vosoutros mesmos podedes vere la cantidá de xente que fizu'l recorríu, glayandu la sua oposición a una llínia que nun ye necesaria y solu ye importante palos bolsiellos d'algunos peru que va escontra'l futuru de la nuesa montaña y de los nuesos fiyos.

http://es.youtube.com/watch?v=EM2MxtEzTLM

¡¡¡Regalaivos y que vos preste'l vídeu, subre tóu a los que tades llonxe d'eiquí!!!