La creación

Nuna ocasión, nel Reinu los Cielos, Dious tuvo ausende seyes dias. Un arcanxel alcontróulu al sétimo día y entrugóule.

¿Siñor, onde tabas?

Dious, amosandu la sua satisfación con su sonrisa, indicóu hacía abaxu al traviés las nubes y díxu ye: Esu ye lu qué creyé.

L'arcanxel mira y diz: ¿Qué ye esu?

Dious rempuénde ye: Ye un planeta onde puse vida. Chamarelu "Tierra" y sedrá'l llugar onde too tará equilibrau.

¿Equilibráu? entruga l'arcanxel.

Y Dious rimpuende:

Mira, pur casu, Uropa'l Norte sedrá un llugar d'oportunidaes asgaya y riquezas y Uropa'l Sur sedrá más probe peru con miyor temperatura. L'Oriente meiu sedrá una zona "caliente".

Hai un continente de xente branca y outru de xente prieta. Estu sedrá secu y cálidu peru aqueillu tará chenu de xelu.

L'arcanxel taba estupefautu col trabayu del Siñor y, siñalandu una piqueña porción de tierra, entrugóu: ¿Qué ye esu?

¡Ah! diz Dious. Esu ye LLIÓN, el miyor sitiu de la Tierra.

Tien fermosos paisaxes, riquezas asgaya y las suas xentes sedrán intelixentes, de buen carauter y mui viaxeros. Sedrán sociables y trabayadores y sedrán apreciaos en tol mundiu.

Entoncias l'arcanxel entruga: ¿y l'equilibriu? ¿onde tá nesti casu?

Y la rimpuesta de Dious fue: Aspera y vedrás tolos pailanes que puse'n Pucela.