viernes, marzo 23, 2007

¡YA TA BIEN DE COLONIALISMU CASTIELLAN!

La "Junta del Este ¿y León?" tá, cumu siempres mui priocupada pol bienestar de tolos llïoneses. Ye pur esu que pa lluchar escontra la despoblación de la montaña llïonesa van facere tolu precisu pa meyoranos la esistencia.

Tán tan trabayadores que van facere tres capitales:
  1. Tolos servicios en Guardo
  2. Tola industria, cultura y comunicaciones en Aguilar y
  3. Tol Turismu en Cervera

¡Coime! ¡Si las tres poblaciones tan en Palencia! ¡Yá tá! La Junta tien su miyor idega: Axuntan la Montaña Oriental llïonesa cona Montaña palentina, asín tolo guenu tará'n Palencia, los llïoneses sedrán los convidaos de piedra, estrozarán tola montaña llïonesa pa que los palentinos medren y por cima dirán que tolos servicios na "Cantábrica Central" son perfeutos.

Esti ye nidiamente'l procedere colonialista, l'espoliu del colonizáu (el País Llïonés) pal enriquecimientu'l colonizador (Castilla). ¡BASTA YA! ¡Nel sieglu XXI, na Unión Europeya, nun pué esistire'l colonialismu! ¡Los llïoneses tenemos dreichu al nuesu futuru y al nuesu gobiernu!

Podedes vere más nuevas subre'l proyeutu San Glorio en:

http://sanglorioleones.blogspot.com

Sábadu Santu, Abril y 7, 2007 a las 18,00 houras ¡Tos a la manifestación de Cistierna!

¡Pulos nuesos dreichos, pul futuru los nuesos fiyos y subre tou pula nuesa identidá!

No hay comentarios: